362
22
62
Exit B1, Tsuen Wan MTR Station continue reading
All Branches (4)
Telephone
36221388
36221166
Opening Hours
Today
12:00 - 15:00
17:30 - 23:30
Mon - Sun
12:00 - 15:00
17:30 - 23:30
Payment Methods
Visa Master Cash
Other Info
Online Reservation
Wi-Fi
Alcoholic Drinks
Phone Reservation
Reward Dining Points
10% Service Charge
About Reward Scheme
Review (479)
Level4 2019-10-07
2463 views
放工同朋友即興想食下日本野,想多嘢食,又唔想太貴,都係食放題啦!上網睇發現原來我地附近都有間滿屋,之前食過滿屋都覺得性價比十分高,所以唔使諗,就去呢間。首先一入門口就見到有海鮮冷盤專區,除咗有蝦、蜆肉同青口,仲有日式頭盤小食同沙律,隔籬仲有各式炸物、雞腳等等。趁第一輪order未到前每樣都試左少少,海鮮鮮甜,值得再拎。刺身方面應有盡有,但就唔知點解係冇我最鍾意既赤貝....三文魚、帶子同希靈魚都好正👍🏻👍🏻因為真‧厚切!個口感真係冇得輸。特色壽司同手卷同樣好味,用料新鮮,飯量唔多,細細件,可以食多幾款!熟食方面亦幾有心思,羊架基本上就必嗌啦,燒得香嫩,肉汁豐富👍🏻燒比目魚呢啲較冷門野都有,仲燒得皮脆肉嫩!特別試左蟹蓋焗糯米飯,size適中食哂成個都唔會太頂肚。天婦羅竟然有龍躉天婦羅,真係第一次見。食落啖啖肉又冇骨,鍾意食魚既朋友一定要整返件過下癮。炸物選擇都唔少,我地都叫咗啲試下,上枱時新鮮滾熱辣,熱力十足,外層金黃香脆!串燒方面,蝦就最好食,肉質新鮮彈牙😋飲品款式選擇多,除咗汽水同茶,仲有韓式飲品,有啲即製飲品同清酒添!第二個胃出場啦!甜品除左可以出去自助櫃攞之外,仲有啲特別野有得order。叫左個雪糕楊枝甘露、朱古力雪糕窩夫同珍珠奶茶,水準全部有保證,入場時仲限定按人頭跟一杯哈根大師~真是滿足又回本了🥳 continue reading
(The above review is the personal opinion of a user which does not represent OpenRice's point of view.)
Level4 2019-07-08
5808 views
難得朋友由澳洲返嚟香港聚舊,大家去澳洲都知道嗰邊係冇啖好食,所以佢話食乜噉我都陪佢食嘅。朋友開到聲話要食日本放題,咁多野揀間正嘅畀佢啦。所以嚟講我哋又嚟到荃灣嘅大鴻輝食飯呀。呢間滿屋放題好評都幾多,所以最後揀咗呢度。 首先一入門口就見到有海鮮專區,有蝦,蜆肉同螺,隔籬仲有啲雞腳,薯格和蔗蝦等等,蜆肉鮮甜,蝦亦都彈牙,所以都建議大家去攞。刺身類我哋拎咗三文魚,色澤都算唔錯,都新鮮嘅。北寄貝都非常之爽,帶子就細粒左少少,不過都鮮甜嘅,甜蝦亦都新鮮,唔會話好梅身。飲品方面其實除咗罐裝之外,都有唔同嘅選擇,例如就珍珠奶茶同埋百香果茶,呢個值得一讚,而我哋揀嘅百香果茶都非常足料,有果肉喺裏面,如果大家飲厭咗罐裝飲品可以試下呢個。壽司嘅話我哋揀咗芝士鰻魚卷,花之戀,同埋火焰三文魚。講真,三件嘅水準都好好,可以話係意料之外。尤其花之戀嘅三文魚好多,加埋蛋黃醬就非常正。一品料理嚟講,鹽燒牛舌非常正,佢有少少燒焦咗嘅味道,入口即溶,食落真係唔錯,牛柳粒就相對煙韌。燒羊架都係推薦菜,雖然冇乜騷味但都肉質鮮嫩,基本上都係回本恩物。芝士焗元貝,呢個都幾多汁,我覺得唔錯幾好食。雞肉串入邊有好多雞肉軟骨,食落脆卜卜。天婦羅方面,好意外呢度有龍躉天婦羅,gimmick 十足。至於天婦羅蝦同南瓜就一般啦,屬於正常水平。去到炸物方面,芝麻雞翼香脆可口,真係食完一隻又一隻。炸蠔都係呢度嘅推介,大大隻非常足料。仲有一個係忌廉蟹餅,食落都幾creamy最後雪糕方面,亦都係完美嘅句號同時亦有甜品櫃,因為太飽都冇出去食啦。總結,呢度放題嘅種類都係標準,食物質素穩定,大部份食物都係中上水平,同時都有幾種有令人深刻嘅食物,例如龍躉天婦羅等等,加上價錢亦都唔貴,$248/位,十分推介大家嚟食。 continue reading
(The above review is the personal opinion of a user which does not represent OpenRice's point of view.)
Level4 2019-06-10
6249 views
唔想左諗右諗食D乜野, 最好就去食放題, 自己鍾意食乜都得, 好食又可以ORDER多幾份食~荃灣呢間放題應該都最抵, 2百幾蚊一位可以位食, 任點係可以有啤酒, 果汁酒, 清酒可以任飲!!入到店全係開揚的大玻璃, 感覺好舒服, 仲有大量卡位, 坐得比較舒服~食物都係用紙仔ORDER, 有12張紙仔任你揀~除左紙仔上的食物, 仲有好多野食可以自己出去羅~ 有湯, 燒物, 貝類, 凍蝦等等~雪糕, 甜品, 飲品都係自己羅~我最欣賞呢到的刺身同埋燒物味道都好出色!刺身中的三文魚, 油甘魚, 劍魚腩, 赤貝都好厚肉, 好新鮮!!而且壽司類的三文魚腩, 左口魚, 海膽帶子, 櫻花蝦花之戀都一定要ENCORE!燒身中的油甘魚較, 羊架, 牛舌, 比目魚都超正, 件件都厚切又入味!炸物中, 最正係有榴槤波波呀!! 芝麻雞翼勁香口!甜品系列種類都花多眼亂, OVERALL味道也不錯!而且每位仲有一杯haagen dazs , Movenpick或榴槤 雪糕, 今期仲有haagen dazs 新出的柚子味呀!唔怪得呢到平日都會爆滿, 想去一定要BOOK位呀! continue reading
(The above review is the personal opinion of a user which does not represent OpenRice's point of view.)
Level4 2019-05-24
4841 views
鍾意食放題貪選擇多,生、冷、熟食、甜品應有盡有,最近試咗呢間,價錢唔貴但質素唔錯的放題壽司/火炙深海池魚/象拔蚌/柚子油甘魚壽司(上)明太子沙律醬燒三文魚/火炙胡麻左口魚邊/和風牛肉壽司壽司整體做得唔錯,壽司飯軟腍有黏性不鬆散;柚子油甘魚配搭很好可以提升油甘魚的鮮味,左口魚邊肉質夠爽彈肥美,和風牛肉則肉質腍滑肉味濃卷物/精選壽司芝士軟殼蟹卷/海膽伴拖羅蓉/雙色香芒之戀/海膽帶子壽司這幾款都是比較少見的配搭,但出奇地夾,拖羅蓉夠綿滑配上海膽的甘甜,入口即化;香芒之戀內藏三文魚配搭芒果夠清新;至於海膽帶子更是絕配,皆因兩者都非常鮮甜刺身三文魚/油甘魚/帶子/赤貝/劍魚腩刺身整體質素都唔錯,鮮甜爽彈,油脂豐腴,而且件件厚切絕不吝嗇串燒黑糖五花腩/燒日本有機蕃薯仔/鹽燒牛舌/燒有機鮮菠蘿五花腩肥瘦相間,肉質爽彈,配以黑糖燒至微焦,很有口感;牛舌口感軟腍配鹽燒至正;菠蘿燒過更加帶出甜味炸物/天婦羅芝麻雞翼/紫心香芋丸/天婦羅蝦/溫室南瓜天婦羅/日本蕃薯天婦羅芝麻雞翼燒得香脆但仍保留肉汁;香芋丸外脆內裡軟糯香甜;天婦羅整體都唔錯,漿粉夠薄夠脆,又無油膩感,有水準椰冰楊枝金露/忌廉芝士朱古力窩夫楊枝金露夠濃稠帶芒果香甜配埋香草雪糕食夠滋味;窩夫軟綿香甜配朱古力雪糕雙重滋味雪糕每人限定一杯的雪糕,個人特別喜愛呢兩款甜品/飲品甜品同飲品都有好多選擇,總有啱你的口味嘅 continue reading
(The above review is the personal opinion of a user which does not represent OpenRice's point of view.)
Level4 2019-05-20
3805 views
之前試過旺角嘅御滿屋覺得唔錯最近經過荃灣見到滿屋分店咁啱好耐冇食放題就入左去試餐廳環境都算寬敞而且自助沙律吧旁仲有三款海鮮冷盤任食刺身三文魚/油甘魚/劍魚腩/帶子/赤貝刺身總共十二款選擇唔少;除左基本嘅三文魚同赤貝帶子等仲有放題較少見嘅油甘魚同劍魚腩;刺身整體鮮甜質素唔錯壽司深海池魚王壽司/柚子油甘魚腩壽司/象拔蚌壽司深海池魚王肉質清爽;油甘魚腩油脂豐腴配搭柚子感覺清新;象拔蚌肉爽脆帶海水味火灸和風牛肉壽司/火灸胡麻左口魚邊壽司/明太子沙律醬燒三文魚壽司和風牛肉壽司肉質嫩腍而且油花均勻;左口魚邊肉質肥美爽口;三文魚經過火炙油脂甘香配搭明太子沙律醬惹味精選壽司雙色香芒之戀/海膽帶子/海膽伴拖羅蓉三文魚肉鮮嫩配搭芒果香甜意外地夾;帶子肉厚加上海膽質感幼滑層次豐富;拖羅蓉色澤粉紅口感綿密天婦羅天婦羅蝦/溫室南瓜天婦羅/日本蕃薯天婦羅天婦羅漿粉夠薄唔覺油膩炸物芝麻雞翼/榴槤炸彈/紫心香芋丸芝麻雞翼雞皮金黃香脆而且肉質嫩滑肉汁豐富;榴槤香濃啱哂榴槤愛好者;紫心香芋丸口感軟糯煙韌串燒/燒物黑糖五花腩/燒日本有機蕃薯仔/鹽燒牛舌/燒有機鮮菠蘿五花腩肉層肥層瘦加上黑糖焦脆微甜唔錯;日本蕃薯細細粒但好甜;牛舌口感爽彈簡單鹽燒已經好正和風料理廣島蠔鍋廣島蠔肉白滑飽滿唔腥唔苦而且又多又大甜品甜品除左哈根大師仲有瑞士品牌或者榴槤雪糕可以選擇;個人推薦焦糖脆餅 continue reading
(The above review is the personal opinion of a user which does not represent OpenRice's point of view.)