495
27
65
Exit B1, Tsuen Wan MTR Station continue reading
All Branches (3)
Telephone
36221388
36221166
Opening Hours
Today
12:00 - 15:00
17:30 - 23:30
Mon - Sun
12:00 - 15:00
17:30 - 23:30
Public Holiday
12:00 - 15:00
17:30 - 23:30
Payment Methods
Visa Master Cash UnionPay WeChat Pay
Other Info
Online Reservation
Wi-Fi
Alcoholic Drinks
Phone Reservation
Reward Dining Points
10% Service Charge
About Reward Scheme
Review (622)
Level4 2020-07-23
106 views
今晚約了朋友一齊到滿荃大鴻輝灣屋食放題。我同朋友都愛食放題任飲任食多款式。放題可以隻點一件,喜愛的又可以無限點來食,我當然每樣都想試嚇,所以每款要的數量都是1~2件,可以食多些款式。刺身要了空運大目吞拿魚及三文魚,新鮮又甜美。還要了花之戀壽司、加州卷及蟹子軍艦。花之戀壽司當真是軟滑油香,芥辣令壽司更是鮮中帶辣,刺激味蕾。也喜愛太子軍艦鮮味中帶卜卜脆的口感。鹽燒青花魚鹽燒青花魚,細細件,細件正可以食多些其它種類,試多些其它款式,鹽燒青花魚燒得香口,魚味特別濃郁。鐵板安格斯牛仔骨,牛味香濃又入味。和風汁牛柳粒,有三色椒一齊炒,一口一粒的牛柳粒肉汁豐富又惹味。鐵板三色香辣炒牛柏葉,雖然不是很入味,但調味都不錯,爽口中帶點煙韌。炸物當中要了芝麻雞翼及榴槤炸彈。每食放題,榴槤炸彈當然不會放過,外脆內流心的榴槤炸彈,濃濃的榴槤香味,好味哦,愛食榴槤的我當然不會錯過。芝麻雞翼肉嫩多汁又香口。飲品中,梅酒是我的最愛,酸酸甜甜帶酒香。放題的尾聲要多個水果,食得當真開心又滿足。 continue reading
(The above review is the personal opinion of a user which does not represent OpenRice's point of view.)
Level4 2020-07-07
201 views
荃灣滿屋8點都唔係好多人,可能地方夠大既關係,睇落都仲好闊落,而且仲可以2人坐4人枱,坐同食得都好舒服。/平日自選2小時時段,我2人8點入去加埋一都只係$273,仲有我最關心有冇既每人一杯Haagen-Dazs/ Movepick/ Dreyer’s 雪糕🥰宵夜時間9點15都只係$208加一。/除左有普通放題都有既刺身、壽司、炸物、卷物、燒物、串燒外,仲有自助區比客人自己拎野食,分別有冷盤(蝦、青口、螺)、熱冷飲品、薯條、葡撻、麥樂雞、壽司、雪糕糯米糍、蛋糕、泡芙、雪條,仲有爆谷等!/服務方面,員工態度都好好,有求必應,同埋成日會有人清走你食完既野,確保你有位放食物🤣✨設加一-🤍刺身/🤍炸物/🤍御品鮑汁燴花膠⭐️⭐️⭐️⭐️之前係其他滿屋都食過,個陣係一碗上,黎到時熱辣辣既,依間就用碟上,黎到時就小小凍所以扣左小小分,不過味道都不錯的。-環境:8/10服務:9/10好味指數:8/10回頭率:8/10 continue reading
(The above review is the personal opinion of a user which does not represent OpenRice's point of view.)
Level4 2020-06-23
1054 views
話說肺炎之前我都已經好耐無食過放題,計落應該有兩三年🤔 頭先唔知係咪因為打完羽毛球太太太肚餓所以對放題好有慾望,就同男友係體育館附近搵左呢間黎食🙈​我地六點半入座,可以食兩個鐘,好彩黎得早,因為勁快就好full😁​ 一入去就見到左手邊好似酒店擺法既海鮮區,仲有啲炸物,壽司,前菜,水果等等😮飲品成三大個雪櫃咁多,揀到我心大心細😵雖然我唔食生野刺身,但都仲有十級多選擇!!!🤣由於款式眾多,我淨係詳細介紹我覺得必食既頭五款😁第五位:燒有機菠蘿 (左邊)呢樣野聽落好似好唔回本咁,但係佢既菠蘿真係好甜好多汁!!我平時唔太中意食菠蘿都覺得好好食,而且菠蘿本身飯後食可以幫助消化,係放題既好伴侶😄第四位:燒紐西蘭羊鞍 (右邊)羊又係一樣我平時唔食既野😂 放題既好處就係可以每樣叫一件試下而可以試到好多唔同款式,呢個羊鞍對我黎講有少少騷味但係屬於可接受程度,客觀黎講燒得幾香而唔油膩,對於羊肉愛好者我會大推👍👍第三位:西京比目魚平時去超級市場買一舊比目魚除返開平均都要十幾蚊,呢度既比目魚燒到有魚既油香味,肉質勁滑, 而且比目魚得中間嗰嚿大骨,係又滑又好味又有益又少骨既魚類首選😁😁👏👏第二位:芝麻雞翼炸得好脆!面頭有芝麻既香味,本身雞翼唔肥而且炸得不油膩,有encore😁第一位👉 登登登登🎊🎊就係貓山王榴槤炸彈!呢樣一定唔可以錯過!🤣 一咬開即刻聞到勁勁勁香榴槤味!!裡面既貓山王榴槤蓉已經瀉出黎,外層係啲煙韌質地既年糕口感,炸物黎講佢完全零油膩感,呢樣係encore再encore😋😋😋其實除咗以上講嘅五款仲有好多都唔錯,包括葡撻,外皮好有層次,而且佢地既存放方法可以keep住個溫度會更好食,仲有玉子燒等等😊個人認為天婦羅熱辣辣炸得香脆但略嫌油膩左少少整體黎講水準偏高,爆多選擇,仲要無漏過單,加埋佢地既服務態度,非常值得推薦!!😍😍👏👏 continue reading
(The above review is the personal opinion of a user which does not represent OpenRice's point of view.)
Level4 2020-02-27
6939 views
每年好朋友生日都會請佢食放題 今年都唔例外 簡左間幾多選擇 好評又唔少既滿屋 果然冇令我地失望除左餐牌上面既野食 岀面亦都有唔同炸物 海鮮 蛋糕 雪糕飲品櫃除左凍既茶 汽水 啤酒 仲要熱既飲品最左面既龍井茶係熱架 中間既濃可可比想像中濃郁 係甜左啲食放題緊係要食刺身 刺身整體質素唔錯 幾新鮮 最鍾意佢既三文魚同大赤蝦壽司選擇都唔少 🐠有我最鍾意既鹽燒左口魚邊 帶油香 又帶點入口即融 如果大塊啲就仲正 🐮火焰芝味和牛 幾香口 再厚啲就好啦 🐙仲有我同朋友最鍾意嘅芥辣八爪魚同火灸鰻魚 質素都唔錯西京比目魚甜甜地 一啲都唔油膩 黃金燒帆立貝有好多沙律醬 調味都唔錯 全個放題我最鍾意既野食就係🐮鹽燒牛舌 完全唔韌 調味啱啱好 🐥燒雞軟骨調味略為淡左啲 🍠燒有機日本番薯仔 細細粒 又甜又軟冧炸物質素都唔錯 樣樣都夠脆 🍘有榴槤控必食既貓山榴槤炸彈 夠脆 淡淡榴槤香 係甜左小小 🦀忌廉蟹肉棒 淡淡蟹肉香 同樣夠脆夠熱天婦羅同樣夠脆 係炸粉略微厚左啲 仲有好少見既龍躉天婦羅黑松露炒雜菌 炒得幾香口 係其中一碟我有再點既燕窩燉蛋 燉蛋完全唔hea 比想像中好食 係燕窩少啲最後仲有每人一杯既Haagen-Dazs MOVENPICK 或者 Dreyer’s簡左Haagen-Dazs既夏威夷果仁同焦糖脆餅 完全冇得輸 好滿足不得不讚既係 環境真係幾舒適 卡位設計 位置闊落 幾岩同朋友傾下計食餐勁既 continue reading
(The above review is the personal opinion of a user which does not represent OpenRice's point of view.)
Level4 2020-02-11
3719 views
工作咗一整個星期,疲倦程度同負能量接近爆錶,終於可以休息下,先生提議去荃灣食放題。因為怕人多,我哋揀咗食最早嗰輪,入座時人唔係好多,餐廳亦好好,以往食親放題都坐得比較逼夾,今次我見大部份兩個人嚟都可以安排坐四人枱,好有良心。刺身選擇多,而且幾新鮮,特別係甜蝦,大大件,味道鮮甜。赤蝦壽司配上濃郁嘅黑松露,鮮味倍升。蟹籽軍艦亦唔錯,蟹籽粒粒新鮮,脆卜卜。天婦羅蝦即叫即炸,上枱時熱辣辣,外皮炸得鬆脆,肉質彈牙。鹽燒海蝦烤得好香,味道鮮美,唧上少少檸檬汁就夠哂味。帆立貝加入大量芝士去燒,中間加入沙律醬減低膩滯感,配搭新鮮;鹽燒鯖花魚嘅魚皮烤到微脆,而且唔腥,唔錯;香草羊鞍唔羶,但冇乜羊味,中規中矩。雞翼去骨然後釀入蘑菇同芝士,食落啖啖肉之餘仲有淡淡嘅黑松露香,滋味倍增。蟹肉翅加入竹笙瑤柱,味道鮮美,質感濃稠適中,而且細細碗唔怕填飽肚。貓山榴槤炸彈係我嘅最愛,香脆嘅外皮包住軟糯嘅內層,仲有熱辣辣嘅榴槤餡,用嘅係貓山王,味道夠哂香濃。燉蛋香滑但味道較淡,面頭加上清甜嘅燕窩同蘆薈,平衡返整體嘅甜度,而且倍覺滋潤。楊枝甘露味道濃郁,香濃嘅芒果味配上清甜嘅椰子冰,感覺清新。最後當然要食返個雪糕完美作結,先生揀咗比利時朱古力,而我就揀咗季節限定嘅夏威夷果仁,果仁味非常香濃,仲有粒粒果仁碎增加口感,成功俘虜我嘅心。放題嚟講滿屋都可以話數一數二,價錢合理,上菜快又冇漏單,係偶然想食餐勁放縱下嘅不二之選。 continue reading
(The above review is the personal opinion of a user which does not represent OpenRice's point of view.)