井巷子 by 鋒膳 (Closed)

早排經過上環嘅井巷子。老婆好想試吓呢間米芝蓮推薦嘅餐廳。所以我哋就訂咗枱週末去試試佢哋嘅bunch（$1050/位）。配唔同嘅酒有唔同嘅價錢，我哋揀咗G. H. Mumm Grand Cordon NV。我見到佢哋有Dom Perignon Vintage 2012。呢年嘅出品可謂係經過氣候嘅洗禮，香氣飽滿多樣。🥢頭盤（壹）西班牙向日葵甘栗豚叉燒井巷子片皮鴨叉燒好軟腍，蜜汁嘅甜味恰到好處。但片皮鴨就更加出色。皮脆又有油香。🥢頭盤（貳）九款頭盤任選四款可以無限添加。比較推介「脆皮茅台乳鴿」。皮好脆，鴿肉嫩滑，連鴿胸肉都好好味。另一款比較好味係「青城臘腸菜花」。椰菜花味道清甜，仲有少少鹹香。🥢主菜：川味回鍋羊肉熟成過嘅羊肉味道香濃細緻，羶味都變得柔和。羊肉、蔬菜吸晒辣豆瓣醬嘅香氣，變得非常惹味。🥢主食：酸菜海參龍蝦球手工麵湯頭濃郁，充滿酸菜嘅味道，非常開胃。海參彈牙，充滿膠質。龍蝦球都好鮮甜。🥢甜品：紅糖冰粉冰粉口感好似啫喱幾得意。加紅糖又幾夾。📍井巷子 by 鋒膳 (上環)上環干諾道中145號多寧大廈地下