Video
Read full review
2020-10-29
95 views
記得仲係學生嗰時成日都會過嚟食放題，而家畢咗業過咗一排又再過嚟食真係別有風味😂 感覺種類更加豐富，食材就都係咁高質👍🏻 地點亦都好方便，旺角站嘅E1出口就係，行過去真係1分鐘都唔使呀😛-首先入去見到嘅係自助區，有冷盤、沙律、前菜、炸物、蛋撻等，仲有爆谷機可以任攞爆谷添呀🍿飲品區真係超多選擇，汽水、無糖茶、韓國飲品等應有盡有。除咗無酒精飲料之外，佢哋仲有日本清酒、梅酒、啤酒等任飲，真係超爽呀🍻-放題食物種類非常豐富，有刺身、壽司、串燒、炸物、主食、小食等等。刺身非常新鮮，其中最驚喜係帶子刺身，食落非常香甜🤤 炸物炸得幾香口，唔會太油，其中我最鍾意水牛芝士條，可以做到好誇張嘅拉絲效果🧀 所以我都加咗單幾次😆 炸蝦天婦羅🍤見到好多檯都有叫，每條都大大隻，炸粉唔會厚👍🏻 小食非常推介蜜糖炸雞，味道就好似出面食嘅韓式炸雞咁，炸得唔錯，值得一試👍🏻 放題包每一位一杯雪糕，可以揀Häagen-Dazs或者Movenpick，真係落重本😍-另外，雖然我哋分開加咗單好多次但係都冇出現過漏單，真係抵讚👍🏻 下次cheat day再過嚟食啦～
-
首先入去見到嘅係自助區，有冷盤、沙律、前菜、炸物、蛋撻等，仲有爆谷機可以任攞爆谷添呀🍿飲品區真係超多選擇，汽水、無糖茶、韓國飲品等應有盡有。除咗無酒精飲料之外，佢哋仲有日本清酒、梅酒、啤酒等任飲，真係超爽呀🍻
-
放題食物種類非常豐富，有刺身、壽司、串燒、炸物、主食、小食等等。刺身非常新鮮，其中最驚喜係帶子刺身，食落非常香甜🤤 炸物炸得幾香口，唔會太油，其中我最鍾意水牛芝士條，可以做到好誇張嘅拉絲效果🧀 所以我都加咗單幾次😆 炸蝦天婦羅🍤見到好多檯都有叫，每條都大大隻，炸粉唔會厚👍🏻 小食非常推介蜜糖炸雞，味道就好似出面食嘅韓式炸雞咁，炸得唔錯，值得一試👍🏻 放題包每一位一杯雪糕，可以揀Häagen-Dazs或者Movenpick，真係落重本😍
-
另外，雖然我哋分開加咗單好多次但係都冇出現過漏單，真係抵讚👍🏻 下次cheat day再過嚟食啦～
Post
