四點金飯店 (Closed)

朋友好鍾意食潮州菜，仲介紹將軍澳附近有一間，所以決定去試下。餐廳鄰近將軍澳地鐵站，地點非常方便。環境闊落，座位舒適。普洱茶茶味香濃。前菜爽脆非常入味。普寧炸豆腐外酥內軟，吃時沾上韭菜鹽水，香、燙、酥風味獨特。沙茶牛肉炒河河粉彈牙，牛肉嫩滑，配上沙茶醬，味道辛辣香濃。經典糖醋黃金麵餅金黃香脆，口感煙韌，店員非常細心，提點先加醋後加糖，糖溶掉會失去粒粒質感。香脆招牌蛋散質感鬆脆，簡單嘅甜品，最考功夫。