太興 (加連威老道)

Open Now

Now Closed

好鍾意食燒味但係又怕普通燒味店坐得唔舒服同埋環境比較一般，所以就想食燒味都會諗起太興見呢間舖頭都裝修咗好耐，行過見到終於開咗 啲燒味就吸引咗我入去太興個感覺係唔同啲光猛整齊乾淨叫咗一個三星拱照 -燒味例牌拼盤有燒肉雞同埋叉燒， 真係唔係浪得虛名好精緻，底仲有個蠟燭熱住，所以食到尾仲係可以暖笠笠燒肉皮脆就基本㗎啦 裏面嘅肉都好鬆一層層叉燒幾符合我嘅口味，唔係話好肥嗰種食落去鬆化， 唔會太甜雞夠滑但係又唔會太生， 感覺滑到好似海南雞咁， 雞好重雞味，食落都覺得好驚喜太興咕嚕肉，次次我嚟都叫， 食過就知正，真係啖啖肉，皮好薄 ，肉肥瘦好均勻， 係唔會可以咬返一嚿肥肉出嚟嗰種朋友話好想食返個蒸肉餅，所以就叫咗鹹魚蒸肉餅，簡簡單單家常便飯的感覺太興又點可以唔叫冰鎮奶茶 調味好適中，奶同茶嘅比例都好好，同埋整杯茶好穩定，唔會因為有冰而整淡非常豐富的一餐飯連餐具位置都覺得好整齊第一次嚟呢間舖頭食飯，唔單止係太興一貫嘅味道,服務質素仲好好, 主管阿姐一眼關七， 落單 加菜，加水，態度都好殷勤， 真係覺得如果間間餐廳都係咁樣嘅話，香港人日日都想出街食