Video
4-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
28063089
Payment Methods
Other Info
Delivery
Above information is for reference only. Please check details with the restaurant.
尖沙咀加連威老道太興，提供簡單快捷的港式風味小菜、五星級燒味、燉湯、冰鎮奶茶等。燒味雙拼：招牌叉燒色澤紅潤，邊位焦脆誘人，配上甜甜哋既蜜汁，香氣十足；燒肉肥瘦相當均匀，肉質軟腍，外皮鬆化，不會有油膩感，的確做得很出色。雪菜鵝絲炆米粉：鵝絲腌得很入味，份量幾多，雪菜既味道唔會太咸，米粉炒得濕潤，唔會好乾，係我喜歡既煮法。煙三文魚菜粒炒飯：煙三文魚肉質鮮甜，菜粒爽脆，飯炒得粒粒分明，再灑上魚䰵，擺盤好靚。瑤柱響螺紅棗雞湯：香濃雞湯底，淡淡海味響螺，加上干瑤柱和養顏紅棗，滋補又好飲。鯪魚粉葛赤小荳湯：湯底濃厚，材料豐富，鯪魚肉、粉葛、赤小荳、瘦肉，健康營養高。雞蛋西式多士：煎得外表金黃，充滿蛋香味，塗上厚厚既牛油和香甜既糖漿，極度邪惡美味。冰鎮凍奶茶：採用斯里蘭卡優質茶葉，以黃金比例沖出來既港式奶茶，入口絲滑，一試難忘。總結，餐廳地點方便，食物有水準，店員服務態度有善，星級茶記之選。
continue reading
好鍾意食燒味但係又怕普通燒味店坐得唔舒服同埋環境比較一般，所以就想食燒味都會諗起太興見呢間舖頭都裝修咗好耐，行過見到終於開咗 啲燒味就吸引咗我入去太興個感覺係唔同啲光猛整齊乾淨叫咗一個三星拱照 -燒味例牌拼盤有燒肉雞同埋叉燒， 真係唔係浪得虛名好精緻，底仲有個蠟燭熱住，所以食到尾仲係可以暖笠笠燒肉皮脆就基本㗎啦 裏面嘅肉都好鬆一層層叉燒幾符合我嘅口味，唔係話好肥嗰種食落去鬆化， 唔會太甜雞夠滑但係又唔會太生， 感覺滑到好似海南雞咁， 雞好重雞味，食落都覺得好驚喜太興咕嚕肉，次次我嚟都叫， 食過就知正，真係啖啖肉，皮好薄 ，肉肥瘦好均勻， 係唔會可以咬返一嚿肥肉出嚟嗰種朋友話好想食返個蒸肉餅，所以就叫咗鹹魚蒸肉餅，簡簡單單家常便飯的感覺太興又點可以唔叫冰鎮奶茶 調味好適中，奶同茶嘅比例都好好，同埋整杯茶好穩定，唔會因為有冰而整淡非常豐富的一餐飯連餐具位置都覺得好整齊第一次嚟呢間舖頭食飯，唔單止係太興一貫嘅味道,服務質素仲好好, 主管阿姐一眼關七， 落單 加菜，加水，態度都好殷勤， 真係覺得如果間間餐廳都係咁樣嘅話，香港人日日都想出街食
continue reading
位於尖沙咀加連威老道的「太興」新開張，大大的店舖光猛新淨，坐位闊落舒適。燒味和冰鎮奶茶一向是「太興」的招牌菜，除此之外，還有各種經典套餐，例如豉汁涼瓜火腩飯，支竹豆腐火腩飯等……而下午茶餐也相當抵食。燒味達人《四喜臨門》$138自拼燒味自由度高，我選了燒鵝、乳豬、叉燒和燻蹄，上枱時驚見有燒鵝脾，真是幸運。乳豬皮脆肉嫩，叉燒軟腍多汁，樣樣都很有水準。《太興切雞下莊》$60下莊有大大隻雞脾，物超所值，雞不會太肥，雞皮薄，肉質嫩，好正。《豆豉排骨炒麵》$68除了燒味得，小菜也不遜色，脆卜卜的炒麵整成圓柱體，淋上醬汁和加入美味的排骨，好睇又好食。《秘製奶醬多》$37下午茶來碟奶醬多，份量剛剛好。《冰鎮奶茶》加$3食「太興」當然要飲冰鎮奶茶，只需加三元，絕對抵。茶香奶滑，咁出名當然是有原因的。《 紅豆冰》加$8甜味適中，紅豆份量多，如果上面的Cream 轉雪糕則更佳。
continue reading
📍環境 & 新店亮點：尖沙咀加連威老道呢間新開嘅太興分店，裝修光猛又企理，卡位都算好闊落。地點近The One喺正十字路口，相信午市放飯都會好旺場。 🦆燒鵝下庄：雖然太興出名係叉燒不過今日真係好想食燒鵝😂燒鵝一定係食「下庄位」，啖啖肉又有大大隻髀位！髀連胸都斬到厚薄適中，肉質都算嫩嘅～不過略嫌燒鵝皮唔夠脆，比較淋身，但油香又唔算特別重。值得一讚係下層有蠟燭保溫，唔怕佢好快上檯就凍曬，食到尾仲keep住暖嘅👍🏻老實講，連鎖嘅餐廳又唔過兩舊水，口痕想食燒鵝嚟講唔可以要求太多，夠收貨有突喇✅ 🧊紅豆冰：懷舊感爆燈！大大杯，紅豆唔會比得少，味道正常～ 見隔籬檯嗌左太興名物，冰鎮奶茶，望落都唔錯，下次有機會再試🫡
continue reading
The one附近原來有間太興，一直都想試下佢既燒味! 叫左個燒肉，份量都幾多。豬皮位置非常之脆，中間配埋份量剛好既脂肪，所以咬落唔會乾柴，反而嫩香多汁!晚市黎到，當然都要叫下D小送黎食。留意到佢地好夠衛生，店員上菜昤，會有個蓋吸在碟上，到枱面先拎走個蓋，連運送途中都好有保護。椒鹽豬扒呢碟好香口惹味，豬扒肉質鬆軟，入口微辣，無論係聞落定食落都散發出椒鹽既陣陣鹹香，好想配飯食。菠蘿咕嚕肉咕嚕肉唔會有骨，食落好方便。酸甜口味好開胃。咕嚕肉即刻淋上醬汁後，肉質仍然保持外面係酥脆。蔥油炒蕃薯苗蕃薯苗清脆，而且唔會苦!紅豆冰好足料，底下既紅豆蓉夠曬甜。對太興第一印象就係冰鎮奶茶，呢到既奶茶奶厚茶濃、入口絲滑，冰鎮形式令佢擺耐左都唔會沖淡茶味，呢個真係必點之選。
continue reading