Chalet (Closed)

今日朋友約我係荃灣行街買野，順便食飯啦， 咁佢話今晚佢話事帶我食西餐喎， 我緊話好，因唔洗我用腦。朋友仔原來帶我來荃灣都幾出名的 Chalet ，其實我聽得多但都真係未來食過， 我地叫左個煙燻帶子海膽意粉， 嘩呢個海膽意粉味道超濃厚，好似每口都有一件海膽咁， 帶子用煙燻過，所以一夾起已經嗅到煙燻的香味，帶子亦煎得好好。另外朋友叫左個黑松露薄片意大利飯配美國大啡菇牛肝菌泡沫， 呢個好特別泡沫好得意，大啡菇和飯都吸收左黑松露的獨特香氣，成件事好夾，飯亦煮得剛剛好唔會硬。見到加錢可以換 芝士薯條又換返客， 香脆可口，上面有芝士醬邪惡。