蔵鳶居酒屋

Open Now

Now Closed

每次辛苦做完運動都要搵好嘢食，食日本嘢就係一個唔錯嘅選擇加上唔會好油膩。🍚日本馬糞海膽赤蝦丼 $218賣相已經非常吸引，海膽分量十足，入口即溶非常鮮甜，完全冇腥味，再加上大大隻嘅赤蝦，啖啖肉，再配上吞拿魚蓉，撈勻食真係好好味😋跟住就係🍣壽司時間，我點左火灸系列，有左口魚邊、三文魚腩、燒蟹棒、燒赤貝等等，我特別鍾意燒過嘅魚生，因為會有陣陣嘅魚油香，左口魚邊特別好味！鵝肝壽司金黃焦香，在以金箔點綴，一口下去，鵝肝嘅油香四溢，超滿足！仲有即點即燒嘅濱燒鮑魚 $88/2隻 & 生蠔 $40整個爐搬到枱上燒，自由控制生熟度，加埋特製醬汁，新鮮好味，食得出鮑魚原生的海水鹹味，其實都不用落什麼調味料已經好食。