串Grill 自助燒烤專門店 (廣華街) (Closed)

依間串grill係任食2個鐘嘅懶人自助串燒放題嘅專門店。網上有唔少人大力推介，於是同朋友訂咗平日嘅5點，依個時段埋單都只係$198加一。餐廳嘅預約好滿，所以記得一定要訂位。枱中央係自助串燒嘅架，店員貼心咁介紹個架嘅原理，只要將串燒嘅鋸齒放係運行緊嘅齒輪，啲串燒就會自動旋轉，真係坐係度等食就得！燒完嘅串燒仲可以放係架上面，唔怕燒唔切唔夠飽！串燒嘅款式應有盡有，最吸引嘅莫過於牛類，仲有唔少新奇嘅丸類同腸類就唔逐一介紹喇。而且肉類新鮮，事前仲係冇醃製過，原料原味，等客人可以因應自己嘅喜好黎調味~ 旁邊有唔少調味料，醬汁方面有甜酸醬、沙嗲醬、梨汁，調味粉有海鹽、孜然粉等等。餐廳仲提供咗日式燒汁，當串燒7成熟個陣，就可以搽上去惹味啲。之前聽人講，自助串燒食唔到好多，因為要等好耐先燒得熟。依間餐廳完全冇依個問題，佢嘅火力好猛，連雞翼都唔洗10幾分鐘就燒熟，我地食都食唔切XD餐廳仲提供咗一盤沙律，開胃又唔怕食得飽飽濟濟。汽水飲品可以自行係雪櫃拎。Like咗社交平台，最後仲會送雪糕一杯~值得一提嘅係，餐廳嘅服務一流，店員又熱情又有禮貌，仲好為客人著想，例如提供圍裙同濕紙巾、寫明每款串燒大約要燒幾耐，仲