女人街食飯公司

Open Now

Now Closed

想食大排檔小炒，但又唔想喺街邊食，最近就搵到呢一間女人街食飯公司，環境舒適之餘又有冷氣，小菜仲幾高質素。🔸屋村三鮮 ($78)屋村三鮮包括有生腸、鴨腎同埋墨魚三款滷味嘅併盤，滷水入味，生腸同埋墨魚夠爽口。而且份量非常多，比起平時喺街邊食嘅一串串更加抵食。🔸青芥沙拉骨（$108)沙拉骨就經常食，加埋Wasabi都係第一次。Wasabi嘅味道都幾突出，但係唔算太辣同太攻鼻。🔸啫啫醬爆田雞煲（$118)田雞煲嘅醬汁濃郁，加埋啫啫嘅效果實在惹味。上枱嘅時候煲仔仲係嵌着蓋，上枱之後店員一打開蓋除咗有陣陣嘅煙漂出嚟，仲見到入邊仲有滾緊嘅效果，熱辣辣。🔸濃湯鱈魚肉碎泡飯(細）（$58)四款食物入面，我最推介就係呢個泡飯。首先價錢方面已經非常之抵食，只需要$58就有一個細嘅泡飯。雖然話係細，但係其實份量都好多，兩至三個人食都一定足夠。以泡飯所用嘅濃湯味道真係夠晒濃郁，非常鮮甜，而且泡飯加入鱈魚肉同埋豬肉碎，令到味道層次更加豐富，以豬肉碎嘅油香帶出魚湯嘅鮮味。