尚鮮海鮮料理

Open Now

Now Closed

天氣好凍，忍唔住打返幾晚邊爐～今晚試咗呢一間一直人氣高企嘅火鍋外賣！👍🏻二人火鍋套餐姬松茸冬瓜湯外賣都可以有咁高質素嘅湯包，仲有一兜湯包料，滿滿嘅冬瓜、松茸粒，湯頭非常清甜，加入蘿蔔粟米蕃茄入去煲一煲，飲番一碗暖湯。海鮮拼盤（花甲、海蝦、白鱔、廣島號、帶子）兩個人打邊爐好難買到唔同種類嘅海鮮，呢個拼盤正正符合小編嘅喜愛，帶子厚實鮮甜；鮮蝦大隻爽口；廣島號肥美多汁手切安格斯一片片嘅雪花紋好靚，切得厚薄一致，食落牛味香濃，肉質滑嫩，食完的確係大滿足。丸餃自家製嘅四寶丸真材實料，特別係蝦丸啖啖鮮蝦，墨魚丸亦都爽口彈牙，豬肉丸豚味香濃。手工雲吞西菜餃皮薄餡料多，有機會真係要堂食試多啲款式 ！黃沙豬膶豬膶好乾淨，食落軟淋帶點爽口，仲要相當大塊！田園盛菜嘅款式好多：粟米、蕃茄、蘿蔔、菜心、娃娃菜，喺菜價高企嘅情況下真係非常良心。黑豚片肥瘦相間，食落並冇油滋滋嘅感覺～二人套餐已經包晒需要嘅調味料，同時外賣自取亦都有其他嘅追加優惠！