Read full review
2022-06-21
91 views
突然同老婆想食台式料理,所以專登走入黎食,水準依舊而且真心抵食!沙茶牛肉鍋&泡菜海鮮鍋呢兩個鍋其實都食到飽,配料多而且好入味。不論牛肉定豬肉都係有彈性唔會梅,肥瘦適中,以呢個價黎講真係好好質素。仲有得揀飯或粉絲,索哂湯汁,食完都飽7成。我地仲追加左鮑魚,新鮮爽口,唔加對唔住自己!鹽酥雞排&臭豆腐鹽酥雞排新鮮即炸熱辣辣,雞排有肉汁而又唔會太咸,雞皮酥脆,好香口。臭豆腐唔算好臭但口感一流,呢個size亦都方便食,加上佢地既豆瓣醬一齊食勁惹味。飲品方面有珍珠奶茶同水果茶,大大杯又夠凍!
Post