滿屋日本料理 (大鴻輝(荃灣)中心) (Closed)

好耐冇食過放題，所以今次就嚟咗荃灣大鴻輝既滿屋日式放題，呢間放題都係用手機落單都好方便，值得一讚嘅係上菜嘅速度快，基本上一落單轉個頭都即刻有，而且都上得幾齊～晚市自選2小時 星期一 $488位，呢個價錢黎講食到咁多種類，性價比都幾高✨食物款式都好多🍣除咗有刺身、壽司、手卷、炸物、串燒可以自己落單，前菜、熱食、小食、飲品、甜品等等都可以自己出去攞 除左壽司同刺身都好新鮮之外，佢入面嘅拖羅都好有驚喜，夠哂肥美，平時食放題好少可以食到啲咁高質嘅拖羅，我地都覺得值回票價❗壽司方面都有好多有特色火炙壽司，啱哂我地口味😋燒物方面，我最中意就就係燒羊鞍，唔會太羶，而且燒得剛剛好～炸物方面值得一試既就係炸鮮奶！！！非常有驚喜，外面脆卜卜入面係軟滑既鮮奶，唔會太甜，真係好正～最後唔少得既當然係雪糕🍨我地揀左haagendaaz既朱古力馬卡龍同埋movenpick既焦糖燉蛋，2隻我地都好中意