極尚大喜屋 (銅鑼灣廣場一期)

Open Now

Now Closed

下個星期開始放大假，來到大喜屋食放題慶祝一番！食左超多嘢！蟹粥有真蟹肉係入面，真材實料！好鮮甜！熱辣辣壽喜燒牛肉鍋，牛肉份量多又入味！有各款壽司，炙燒蟹棒，燒牛肉，燒三文魚，帶子同左口魚裙邊都好好食！仲有刺身，好多款揀，encore了爽口鮑片。燒羊架好巨型！啖啖肉，燒得剛剛好，不太韌。又狂叫了串燒，覺得雞翼同牛舌最好食，媲美居酒屋質素，仲要係仼食！炸榴槤球好重榴槤味！入口即溶，啱榴槤fans!前菜同小食自己去場內拎，螺肉同中華沙律都新鮮好食。燒魚乾口感不錯，非常香口！食左特別既海鹽味雪糕作結，鹹鹹地咁同甜甜地既雪糕出奇地夾！滿足！