串Grill 自助燒烤專門店 (譽發廣場) (Closed)

放學之後同一班朋友去旺角行街+搵食，見到呢間良心串燒放題好似幾正咁，一於試下！呢度任食2個鐘，落單係用QR code，方便快捷👍🏻 Staff好nice，好詳細咁教我地點燒。呢度係用自動串燒機，擺串燒上去就識自動轉，好方便，而且受熱平均。另外因為係用電發熱，所以唔會搞到成身燒烤味👍🏻 🧂 調味粉、醬汁有辣粉、海鹽、味椒鹽、孜然粉、泰國魚露、照燒汁、燒烤醬，選擇好多！🥩 肉類🍢M6和牛牛柳、紐西蘭牛西冷、美國牛肋腩、美國豬肩胛、雞軟骨、雞卷肉、羊卷肉、台灣腸等🍢Encore咗好多串！肉質嫩滑，到大概七成熟嘅時候，掃啲照燒汁係面頭更惹味😋 台灣腸尤其好食！🐟 海鮮🍢墨魚咀、蜆肉🍢 彈牙爽口！🥬 蔬果🍢秋葵、日本甜薯、菠蘿、翠玉瓜、雞髀菇、冬菇、豆卜等🍢蔬菜烤完外層會比較乾身，但入面都多汁，尤其推薦秋葵、日本甜薯同埋菠蘿！食咗咁多肉，食返啲菜健康啲！🍦 甜品🍢棉花糖、雞蛋仔🍢雞蛋仔外脆內軟，好正！食到最後可以一人一杯 Häagen-Dazs 雪糕，口味任揀～ 有朱古力🍫、哈密瓜🍈、曲奇🍪 我試咗哈密瓜味，勁好食😋🥤 飲品自助飲品區，任飲！選擇多，有汽水、清熱飲品、茶～ 我飲咗兩支，有成1升😂