Video
Read full review
2018-09-02
254 views
放題其實食唔少，但高級放題真係第一次。好耐之前已經想食殿，但一直約唔到班朋友一齊食，所以特登早幾個星期就約齊人，終於食到我朝思暮想既殿放題。🤤刺身新鮮又肥美，而且仲有平時食放題好少會有既拖羅同長腳蟹，當中最驚喜既係拖羅，入口即化且油香好重。赤貝亦相當唔錯，鮮甜又爽脆。其他則不過不失。食殿放題點可以錯過海膽手卷，好彩有侍應既提醒先冇miss到。平時食放題好少會食海膽，因為質素參差，好驚會食到好腥既海膽，但殿既海膽手卷一向好出名，咁就梗係要一試。果然冇令我失望，呢度既海膽非常鮮甜，一啲都唔腥，而且紫菜仲好脆。我同朋友食完一個都唔夠，又排隊拎多個！🤤因為呢度既長腳蟹、海膽同拖羅實在太正，我地梗係唔執輸叫埋呢幾款夏日精選，一樣係咁好味。壽司卷物類既就叫得唔多，個人最中意香蒜燒牛肉壽司。燒物方面例牌叫咗燒牛舌、燒帆立貝、燒菠蘿，味道不過不失。其實平時食放題比較少會叫燒羊架，因為驚好羶，不過今次朋友話叫件一齊share，點知食落有驚喜喎，唔會好羶，而且燒完都仲有肉汁唔會好乾，我同朋友都幾滿意。炸物都係樣樣嗌啲，我個人幾中意香芋丸同榴連炸彈🤤。話明係雞翼怪又點會錯過食雞翼😂，熱辣辣，超正！梗係要en
刺身新鮮又肥美，而且仲有平時食放題好少會有既拖羅同長腳蟹，當中最驚喜既係拖羅，入口即化且油香好重。赤貝亦相當唔錯，鮮甜又爽脆。其他則不過不失。
食殿放題點可以錯過海膽手卷，好彩有侍應既提醒先冇miss到。平時食放題好少會食海膽，因為質素參差，好驚會食到好腥既海膽，但殿既海膽手卷一向好出名，咁就梗係要一試。果然冇令我失望，呢度既海膽非常鮮甜，一啲都唔腥，而且紫菜仲好脆。我同朋友食完一個都唔夠，又排隊拎多個！🤤
因為呢度既長腳蟹、海膽同拖羅實在太正，我地梗係唔執輸叫埋呢幾款夏日精選，一樣係咁好味。
壽司卷物類既就叫得唔多，個人最中意香蒜燒牛肉壽司。
燒物方面例牌叫咗燒牛舌、燒帆立貝、燒菠蘿，味道不過不失。其實平時食放題比較少會叫燒羊架，因為驚好羶，不過今次朋友話叫件一齊share，點知食落有驚喜喎，唔會好羶，而且燒完都仲有肉汁唔會好乾，我同朋友都幾滿意。
炸物都係樣樣嗌啲，我個人幾中意香芋丸同榴連炸彈🤤。話明係雞翼怪又點會錯過食雞翼😂，熱辣辣，超正！梗係要encore多round啦！
飲品同甜品都幾多選擇，除咗啲罐裝飲品，仲有sake、梅酒等，岩晒啲酒鬼朋友。雪糕仲有movenpick添，正啊！
Post
