唐坊火鍋私房菜

Open Now

Now Closed

呢間係私房菜，位置方便，油麻地地鐵站出來彌敦道行三分鐘就到。餐廳位於高層，可以睇到靚景，好正🙌我地嗌左兩人套餐，好抵食，湯底係老鴨湯（唐老鴨湯底）褒滾之後可以直接飲，真材實料真係好好飲呀！二人餐有配牛肉一碟，蔬菜一籃，三寶丸，菜餃配蟹肉餃還有響鈴，另送烏冬和竹蔗茅根水。響鈴現炸既，好脆，索曬湯汁，超好味！海鮮盤滿滿海鮮，鮑魚和蝦都好新鮮，仲有大大隻扇貝，冇得輸餃子同肉丸都好好味，食得到既新鮮，餃子自家手作，用曬心機！我自己都好鍾意佢間既牛肉，紋路靚，肉同油脂分布好均勻，唔需要煮好耐，入口即化，好好味。