八月花屬於中高價酒樓,不過環境舒適,同埋點心真係高水準。我哋叫左壺鐵觀音,確實係茶味香濃。
我哋兩個人,今日午餐叫咗6籠點心同2碗糖水。
蒸蘿蔔糕:好香蘿蔔味,真材實料,仲有好多乾瑤柱,好味。
粉果:大大件,皮薄餡靚,裏面有好多餡料,好滿足。
鳳爪:鳳爪底部墊着2塊好juicy嘅大柚皮💕
叉燒包:叉燒冇乜肥肉,啱晒我哋呢啲減肥人士。
百花釀魚肚:三件大大件,仲有好多魚肚💕💕
雞扎:呢款點心極度推薦,因為真係高水準。雞肉無肥膏,同埋冇我唔係太鍾意食嘅芋頭,又多餡料,一百分。
最後叫咗兩碗杏仁茶,不過個碗好細,份量較少,但係都好好味嘅🥰
最後埋單355,屬於中高價錢,不過點心確實高質素,間唔中一次都OK呀👍🏻