旭川居食屋 (Closed)

宵夜好餓又想食特別d既野？我屋企附近就有間高質素既日本料理！9點後入單仲有8折!吉列炸蠔，炸粉好少，蠔又大粒，加上沙律汁，超好食，食唔停口！牛柳粒石鍋飯，將雞蛋篤穿搞拌，蛋汁將飯粒癡起。每粒飯與每粒飯癡住，全靠蛋汁！牛柳粒一d都唔馬虎，食落去入口即溶！鰻魚炒飯，鰻魚肉唔會少，加上炒飯粒粒分明，材料配菜分量剛好，每食一啖都啖啖肉！超贊的平民日本料理，價錢優惠，食物質素高，難怪佢有咁多熟客。