喜滿樓菜館

Open Now

Now Closed

一家人去喜滿樓菜館食下懷舊菜風味。因為只訂左個爵士燉湯，所以唯有現場點餐牌上嘅小菜。好彩餐牌仲有好多選擇。芝麻雞、蝦多士、錦滷雲吞好彩叫到。樓面姐姐推介芝麻雞，佢話好正，叫半隻一試，有驚喜，真係幾好食。其他餸如小炒王丶蝦多士、咕嚕肉同梅菜炒菜心都唔錯。特別一讚係個蝦多士，啖啖鮮蝦肉，厚過塊多士，真材實料。樓面阿姐拎左個訂菜餐單同送上卡片一張，叫我地下次去一定訂餸，真係好多野都想食，下個再來試其他懷舊菜式，尤其係個焗魚腸同梅子鴨。