Let’s Yum Cha

🐨成日都好想飲茶，但又成日唔願起身，所以成日都飲唔到🤣 久而久之就萌生咗飲夜茶嘅想法，但香港飲夜茶嘅選擇唔多，要搵間平靚正嘅真係唔容易，而得閒飲茶就係其中一間夜晚都可以飲茶嘅點心鋪喇😉

得獎蝦餃之王 $36
四個字，皮薄餡靚，餃皮晶瑩剔透，食落有啲煙韌，餡料就係滿滿嘅蝦肉，食落啖啖肉，爽口彈牙，果然係得獎蝦餃王🥇

1

得獎蝦餃之王

$36

沙嗲金錢肚 $31
個沙嗲真係靈魂嚟，辣得過癮之餘又唔會太咸，金錢肚份量適中，都幾淋身，但記得食埋啲豆卜，因為豆卜吸收哂啲靈魂沙嗲汁，嚿嚿都係精華所在🤪

沙嗲金錢肚

$31

春風得意腸 $42
呢個顏色非常吸睛，色彩繽紛，係一個變奏版嘅炸兩😂 由腸粉皮包住炸米網，蝦肉，粟米同菜等等，面層再加上蟹籽，食落口感係極度豐富😋

1

春風得意腸

$42

千島醬脆皮蘿蔔糕 $33
煎蘿蔔糕成日都食到，但炸到脆卜卜嘅蘿蔔糕又真係第一次食，外層炸到好香脆，而且炸衣都幾薄，成件事感覺幾好，再配埋軟糯嘅蘿蔔糕，個口感好特別，面層嘅木魚碎增加咗食落口嘅味道，而千島醬就將成件事變得更惹味👍🏻

千島醬脆皮蘿蔔糕

$33

蒜香蝦春卷 $28

一共3條完整嘅春卷，用料都好足，每一條都會有蝦，一樣炸到脆卜卜，蝦肉都係爽口彈牙，蒜香味都幾濃，佢仲有啲菜用嚟增加口感同埋味道，相當唔錯😚

蒜香蝦春卷

$28

呢到似主打街坊生意，所以價錢十分相宜實惠，出品亦都對得住價錢，地理位置都算方便，想飲夜茶真係一個唔錯嘅選擇😉