Video
Read full review
2023-09-08
41 views
同朋友去完D2 place 玩VR後，當然周圍行吓睇吓有咩好食，行行吓比我搵到間門面好有日本風格既餐廳。餐廳叫「鳥海山」，是日本百名山之一⛰️點解我會知？係因為我鍾意行山，日本既山都略懂一二😆見個名咁親切就上前望吓個餐牌，有鐵板燒、刺身，活海鮮等等都幾啱口味就決定食呢間🤩餐廳環境闊落四正，座位佈局大致分兩邊。一邊係望到師傅下廚的吧枱位置，另一邊係普通餐枱座，枱與枱之間距離充足👍🏻一坐低店員就詳細講解餐廳菜色後，見到個鐵板餐好吸引，一於就佢啦！😆鳥海山鐵板餐 $1198沙律生菜新鮮脆口，配上黑醋調味，相當開胃。是日精選刺身（真鯛、深海池魚、勘八，燒大拖羅）店員上菜時細心講解每款魚的特性，食用既先後次序，配合那種醬料才發揮到刺身的鮮味，真的不得不讚！刺身肥美鮮味，值得一提大拖羅經師傅燒過表面後加上秘製醬汁，外面燒得香脆，內面仍保留魚的鮮味，令人齒頰留香。😋活鮑魚將南非活鮑魚經鐵板燒後，切成每件一口份量。食落鮮甜爽口還帶有點牛油香味，肉質結實得來容易咀嚼👍🏻活龍蝦 （加大龍蝦+$80）澳洲活龍蝦份量十足，鮮甜厚肉彈牙，配合燒汁同蝦膏烹調，味濃而不會掩蓋龍蝦本身的鮮味。鵝肝多士鵝肝油脂豐盈，入口
點解我會知？係因為我鍾意行山，日本既山都略懂一二😆
見個名咁親切就上前望吓個餐牌，
有鐵板燒、刺身，活海鮮等等都幾啱口味就決定食呢間🤩
餐廳環境闊落四正，座位佈局大致分兩邊。一邊係望到師傅下廚的吧枱位置，另一邊係普通餐枱座，枱與枱之間距離充足👍🏻
一坐低店員就詳細講解餐廳菜色後，見到個鐵板餐好吸引，一於就佢啦！😆
鳥海山鐵板餐 $1198
沙律
生菜新鮮脆口，配上黑醋調味，相當開胃。
是日精選刺身（真鯛、深海池魚、勘八，燒大拖羅）
店員上菜時細心講解每款魚的特性，食用既先後次序，配合那種醬料才發揮到刺身的鮮味，真的不得不讚！
刺身肥美鮮味，值得一提大拖羅經師傅燒過表面後加上秘製醬汁，
外面燒得香脆，內面仍保留魚的鮮味，令人齒頰留香。😋
活鮑魚
將南非活鮑魚經鐵板燒後，切成每件一口份量。食落鮮甜爽口還帶有點牛油香味，肉質結實得來容易咀嚼👍🏻
活龍蝦 （加大龍蝦+$80）
澳洲活龍蝦份量十足，鮮甜厚肉彈牙，配合燒汁同蝦膏烹調，味濃而不會掩蓋龍蝦本身的鮮味。
鵝肝多士
鵝肝油脂豐盈，入口即溶，配上香脆多士，減低了鵝肝帶來的油膩感，呢道菜好食到想再來多碟。大推！🥰
牛肉薄燒
牛肉內有炸蒜令肉味提升不少，
而表面有蔥花解膩，口感豐富。☺️
炒飯
未上菜已經聞到炒飯嘅香味，炒飯乾身粒粒分明。仲有份量不少嘅櫻花蝦增強口感。
野菜
椰菜新鮮爽口，可以清清味蕾。
味噌湯
熱辣辣味噌湯味道恰到好處。
總結餐廳服務好好，店員非常細心。
師傅亦會留意到客人進食速度而控制時間準備下一道菜，確保每道菜都以最佳狀態送上客人餐枱👍🏻
餐廳無論食材到服務都屬高水平，將列入會再幫襯名單中！💯
Post
