Goobne Chicken (瓊華中心)

Open Now

Now Closed

      星期六係繁忙既旺角，同朋友二人本身係爆丼屋攞左飛，知道有排等，所以去朗豪坊行陣先，點知行完返黎過左超過100張飛即刻唔想再等，就search下附近有咩食，朋友話食過Goobne Chicken幾好食，於是就上左瓊華搵呢間店~      上到去都要等，但一定唔洗好似爆丼屋咁等到2046...，等左約20分鐘就有位，同朋友諗左好耐食乜，因為胃就得一個，但樣樣都想食諗左好耐，終於決定到，就係叫蛋卷同唔少得既炸雞~睇擺碟都好簡約風，一件件排好晒隊等我地食~蛋卷暖暖地，雖然餡料係普通火腿同蘿蔔等等，但夾埋d醬又幾開胃，好快就清左個蛋卷等主菜~主菜出場~本身其實都驚炸雞會好熱氣，但知道佢係用烤既方法烹調，感覺好似冇咁熱氣 (自欺欺人~)蜜糖同咖哩估唔到出奇地夾，d肉都好嫩好juicy，一d都唔乾，平時唔食皮既我今次都食晒d皮