保家山 (Closed)

食飯時候其實真係好少會坐定定喺度諗下, 我想專登去食乜嘢, 因為觀塘實在太多選擇, 淨係駱駝漆大廈都有好多間好食嘅鋪頭。 我平時都唔係太鍾意食飯, 多數都係揀輕擎啲嘅嘢嚟食, 今次試咗呢間叫做保家山嘅手工漢堡包。佢裏面嘅裝修好簡單, 好簡約, 好有工業風, 同駱駝漆本身嘅大廈好夾。 排隊買咗飛之後落order然後坐低等信號就可以啦! 第一次嚟食梗係揀返佢嘅招牌漢堡啦, 今次揀咗'山'手工和牛漢堡(招牌醬汁), 仲可以配薯條同埋嘢飲。安格斯漢堡扒好有牛肉味, 軟淋淋非常juicy! 裏面仲有佢特製嘅醬汁啦, 生菜,番茄, 同紫洋蔥! 薯條可以選擇麻辣, 紫菜或者香脆牛油, 我揀咗麻辣薯條食, 薯條架炸得好金槍香鬆脆, 熱辣辣, 麻辣味唔算太難都有少少麻子香!工廠區可以食得到好似有中環蘇豪區嘅水準, 都算唔錯, 都值得幫襯嘅!