30
3
0
3-min walk from Exit B1, Kwun Tong MTR Station continue reading
Telephone
59291186
Opening Hours
Today
12:00 - 20:00
Mon - Sun
12:00 - 20:00
Public Holiday
12:00 - 20:00
Public Holiday Eve
12:00 - 20:00
Payment Methods
AlipayHK Alipay Cash
Other Info
Wi-Fi
10% Service Charge
Spot payment
Review (35)
Level7 2021-07-06
830 views
觀塘駱駝漆工廠大廈的樓上食肆真係多到食極都試唔完 ⋯⋯ 始終兩三個星期先至來一次,有部份餐廳未試過就已經轉了手。汰弱留強,可以生存下來的一定有其出色之處。今日又來試一間去年年尾才開業的漢堡包店。餐廳個名明顯玩食字,「保家」諧音「Burger」。始終係工廠大廈單位,駱駝漆大廈內差不多所有餐廳都會在門口放置一個易拉架,以吸引客人注意,「保家山」也沒有例外。細心留意會發現餐牌上的漢堡包名字相當特別之餘,還刻意標注了正統的廣東話羅馬拼音;餐廳老闆似乎非常尊重廣東話文化。室內裝修簡約,有濃厚工業風;既配合駱駝漆工廈的本位,亦較工廈的其他餐廳來得特別 ⋯⋯ 要不是裝修簡陋,就是同一間普通餐廳沒有大分別。長洲包山聽得多,保家山模型還是第一次見。如果有實物,應該相當震撼。以快餐店經營模式,先排隊買飛落order,然後坐低等訊號,再自己出去取餐。排隊時發現原來更新了餐牌,多咗幾款漢堡包,有豬、有雞、有素(大啡菇),當然以牛為主,有五種不同口味:”山”、”葵”、”藍”、”傳統” 及 “芫荽”。標榜採用安格斯牛及和牛混合製成的漢堡牛扒,既有安格斯牛的濃郁牛肉味及咬口、又有和牛的油脂及軟滑,係相當聰明嘅漢堡牛扒配方。蘑菇忌廉湯($26)菇味濃郁,入口 creamy。竟然做了幾份高級餐廳的水準!傳統漢堡($98)係最簡單嘅傳統漢堡包,食材有一片生菜、一片蕃茄及一大塊厚身漢堡牛扒。一大啖咬下去,漢堡牛肉非常Juicy,滿口油花,亦充滿牛肉肉汁;牛肉纖維雖然唔明顯,但仍然有少少咀嚼咬口,唔會變得全無肉質口感。原來這就是和牛溝安格斯牛漢堡的美味。山漢堡($98)同傳統漢堡的食材用料全部一模一樣、只是醬汁味道較為酸一點。但其實兩款漢堡包都有蕃茄及沙律醬汁,所以即使和牛漢堡肉扒的醬汁稍酸,味道分別也不太明顯。漢堡包跟餐的薯條有三款口味供選擇:麻辣、紫菜、香脆牛油。冇食麻辣,唔知道什麼味道;紫菜及香脆牛油就一律炸得非常香脆可口。紫菜薯條多了紫菜香味;但如果只求甘香鬆脆啲薯條,首選一定係香脆牛油,牛油香味超級濃郁!脆炸一口雞中翼($36)即是單骨雞翼。炸得非常透徹、但有沒有過火。沾滿了脆炸粉的雞中翼,雞皮甘香鬆脆,雞肉入味、又保留了很多肉汁!真係非常好食。以觀塘區工廠大廈樓上餐廳標準,租金肯定平過商場或者地舖,但「保家山」定價卻很進取,甚至可以用貴價漢堡包來形容,直逼銅鑼灣尖沙咀等遊客旺區的貴價漢堡包專門店;不過,味道又的確相當出色。如果唔嫌地點唔就腳,值得幫襯。 continue reading
(The above review is the personal opinion of a user which does not represent OpenRice's point of view.)
Level4 2021-05-07
1365 views
去開觀塘工廈買野,就到lunch 時間就去左呢間好有特色都既一間保家山漢堡包專門店,主打手工製漢堡包,選用澳洲和牛和美國安格斯牛肉及有嫩雞漢堡有韓式豬肉漢堡或嫩雞漢堡或和牛漢堡仲有多款湯及小食選擇採用水泥牆配木枱凳,店內環境寬闊仲坐得好舒服亦有吧枱座位供客人堂食薯條有三款口味選出紫菜味薯條牛油味薯條麻辣薯條平均由 HK $96 至 HK$108 套餐每份漢堡跟餐會配上薯條及汽水嫩雞漢堡配傳統醬汁 $96配了牛油薯條牛油薯條炸得香脆入口仲熱辣辣炸得香又黃金色而入口嫩滑的既雞肉同醬汁完全唔覺得會油膩,配上新鮮生菜更有風味手工和牛漢堡配招牌醬汁$98漢堡配以自家製既原創醬汁加埋新鮮爽口生菜好夾最喜歡就係個特製醬汁連埋包食滲入包中好滋味和牛味真的濃郁,而肉質豐厚又多汁保家山 Burger Saan地址:觀塘開源道60號駱駝漆大廈三座5樓O室 continue reading
(The above review is the personal opinion of a user which does not represent OpenRice's point of view.)
【和牛漢堡唔講得笑😛觀塘新開張用料超班漢堡小食店🍔】覓食勝地駱駝漆大廈又開咗新餐廳啦,前幾日小編同朋友專程去到一試依間主打和牛漢堡同特色薯條嘅餐廳🤪雖然依加無得晚市堂食,但見到依間餐廳有係deliveroo做外賣,都已經有唔少人試過依間餐廳啲漢堡😳餐廳既裝修幾有格調,水泥牆雲石枱,同一般burger店嘅風格好唔同,仲有得擲飛鏢😂—《 #山手工和牛漢堡combo》$98 ⭐⭐⭐老闆話對佢哋既漢堡超有信心,立志要做全港第一😈所以佢地嘅食材都別出心裁,漢堡選用澳洲同美國和牛打成,食得出同單一漢堡口感同味道上有分別,半熟狀態肉汁滲哂出黎,口感比一般既漢堡札實,醃得亦夠入味😋而個醬汁有心機,係自家調製👍不過依個漢堡餡料唔多,只有生菜蕃茄,建議大家加埋芝士同焦糖洋蔥應該會更加正🤤有啲不足嘅地方喺個包冇點烘過,漢堡亦略嫌細塊🤥—《 #麻辣薯條》⭐⭐⭐⭐套餐包咗薯條同汽水😆平時特色薯條見得多都係黑松露、肉醬、芝士,麻辣味真喺第一次食😯 一食落去就知不得了,餐廳將花椒既麻香滲透到每一條薯條,非常惹味🤤 不過辣度頗高,唔食得辣既朋友要小心啦🥵—《 #蘑菇忌廉湯》$26 ⭐⭐⭐⭐⭐呢碗蘑菇湯食落最有驚喜,絕對建議大家嗌🤪 碗湯落咗極多蘑菇蓉,每一淡既口感都好豐富,比足哂料,係目前飲過性價比最高嘅蘑菇湯,完全有酒店既質素🥳(飲完先知原來成個廚房班子都係酒店做過,難怪整得出咁嘅質素🤓)同街外快餐店開粉既蘑菇湯真係兩個級數,值得一試🥰 continue reading
(The above review is the personal opinion of a user which does not represent OpenRice's point of view.)
Level1 2021-07-27
0 views
今次係第一次食,因為朋友見到係手功和牛漢堡話想試下。我叫咗個招牌和牛漢堡,而朋友就叫咗個藍芝士漢堡,仲買咗麻辣薯條同埋單骨雞翼。每一樣都好滿意。塊漢堡食得出係自己醃過嘅,同出面唔同,好味得嚟又口感,充滿肉汁,一啲都唔會乾唔會硬。而朋友都話個藍芝士醬好好味,一啲都唔臭,同塊和牛漢堡仲出奇地好夾!最有驚喜係個麻辣薯條,真係有種「麻」味,唔使點醬都好好食!睇得出呢間唔係馬馬虎虎咁求其整,絕對會想返嚟試其他口味嘅漢堡同小食! continue reading
(The above review is the personal opinion of a user which does not represent OpenRice's point of view.)
觀塘工廈內有間簡約工業風嘅漢堡包專門店-保家山佢地嘅漢堡採用澳洲和牛同埋美國安格斯牛手工製成,非常高質小店仲出咗個芫茜漢堡啱就晒我呢個#芫茜控 😋漢堡勁多芫茜,牛肉厚肉味濃仲好juicy添跟餐我仲配咁個健康沙律+汽水,每份$98好夠牛味嘅 - "山" 手工和牛漢堡 配麻辣薯條 + 汽水 $𝟿𝟾兩種牛肉打成和牛漢堡質感結實肉汁豐富,仲好惹味添😋個麻辣薯條一定要highlight, 濃濃嘅麻辣花椒味!熱辣辣又好脆,絕對回味無窮另外叫咗個芝士紫薯波波脆皮熱辣辣,紫薯甜甜地超好食,咬開仲可以拉絲添呀😍呢個小食要推介呀👍 continue reading
(The above review is the personal opinion of a user which does not represent OpenRice's point of view.)