沙田新強記燒鵝海鮮酒家

Open Now

Now Closed

一直好鍾意食燒鵝、乳鴿，所以成日都會幫襯呢間新強記👍🏼我無論帶外國親戚、定同屋企人朋友聚會，都會推介佢哋嚟呢度食燒鵝😋今次例牌食燒鵝，因為得兩個人所以例牌已經好夠食，燒鵝皮脆多汁，一啲都唔「柴」，正呀🤩乳鴿都係外皮香脆，四件都係啖啖肉同多肉汁😍椒鹽九肚魚，基本上都係皇牌必點餸菜之一，炸完出嚟熱辣辣，外面脆口得嚟入邊軟林林好似豆腐咁，名副其實外脆內軟👍🏼啲餸基本上都大碟，兩個人食三個餸已經好滿足👍🏼如果有更多人食就可以食更多餸😆整體來講，餐廳食燒味好正嘢食夠火侯，仲有好多款唔同菜式可以揀。雖然今次冇食啲套餐，都影俾大家望吓有好多選擇。