Video
Read full review
2023-12-26
844 views
海港城又開左新餐廳啦！門口位有個巨型鳥籠梳化位，啱晒鍾意打卡嘅你📸🤩安娣瑪萊 Auntie MALAY 嘅室內設計以殖民地色彩濃厚的娘惹宅院為靈感✨餐室大膽運用絢麗色彩，同時融入南洋風格嘅花磚、五彩玻璃及布藝，搭配出溫馨而具個性嘅異國情調。大型壁畫描繪馬來西亞太太溫婉面貌🥰配合亞熱帶植物🌿營造出綠意環繞嘅氛圍。📌焦糖脆魚皮🐟炸魚皮口感香脆，味道甜甜地之餘帶啲辣，再搭配檸檬葉、青檸葉🌱同開心果碎，賣相精緻得黎，香氣同口感都大大提升📌蟹肉雜菜薄餅卷蔬菜切幼條，食落清新又有口感，濃味嘅蝦乾令薄餅卷味道更豐富📌亞參酸辣沙巴仔配黃金油條用上原條新鮮沙巴仔，魚肉嫩滑，食落唔會腥。醬汁加入蝦湯、羅望子、薑花、喇沙葉、南薑同馬拉盞蝦醬呢啲富有東南亞風味嘅香料，油炸鬼炸到脆卜卜，吸收埋湯汁酸酸辣辣好惹味！📌仁當牛面頰肉配燒肉鬆糯米飯卷和牛面頰嫩滑，仲有豐富嘅骨膠原，用自家咖哩醬慢煮，味道嫩滑細膩。咖哩醬使用了新鮮黃薑葉和各式香草香料製成，散發著複雜的香氣，並呈現鮮艷的紅色。伴上經蕉葉焗過的肉鬆椰香糯米飯卷，食落有淡淡嘅椰香，肉鬆脆口📌芥蘭·二食蒜炒芥蘭苗幼嫩；芥蘭菜葉切碎，酥炸後拌入肉鬆，咸咸甜甜咁幾惹
海港城又開左新餐廳啦！門口位有個巨型鳥籠梳化位，啱晒鍾意打卡嘅你📸🤩
安娣瑪萊 Auntie MALAY 嘅室內設計以殖民地色彩濃厚的娘惹宅院為靈感✨
餐室大膽運用絢麗色彩，同時融入南洋風格嘅花磚、五彩玻璃及布藝，搭配出溫馨而具個性嘅異國情調。
大型壁畫描繪馬來西亞太太溫婉面貌🥰配合亞熱帶植物🌿營造出綠意環繞嘅氛圍。📌焦糖脆魚皮🐟
炸魚皮口感香脆，味道甜甜地之餘帶啲辣，再搭配檸檬葉、青檸葉🌱同開心果碎，賣相精緻得黎，香氣同口感都大大提升
📌蟹肉雜菜薄餅卷
蔬菜切幼條，食落清新又有口感，濃味嘅蝦乾令薄餅卷味道更豐富
📌亞參酸辣沙巴仔配黃金油條
用上原條新鮮沙巴仔，魚肉嫩滑，食落唔會腥。醬汁加入蝦湯、羅望子、薑花、喇沙葉、南薑同馬拉盞蝦醬呢啲富有東南亞風味嘅香料，油炸鬼炸到脆卜卜，吸收埋湯汁酸酸辣辣好惹味！
📌仁當牛面頰肉配燒肉鬆糯米飯卷
和牛面頰嫩滑，仲有豐富嘅骨膠原，用自家咖哩醬慢煮，味道嫩滑細膩。
咖哩醬使用了新鮮黃薑葉和各式香草香料製成，散發著複雜的香氣，並呈現鮮艷的紅色。伴上經蕉葉焗過的肉鬆椰香糯米飯卷，食落有淡淡嘅椰香，肉鬆脆口📌芥蘭·二食
蒜炒芥蘭苗幼嫩；芥蘭菜葉切碎，酥炸後拌入肉鬆，咸咸甜甜咁幾惹味
📌蠔仔塔塔蛋餅
蠔仔新鮮飽滿，份量都唔少，蛋餅蛋味香濃酥脆，加埋九層塔🌿芫荽更加滋味
📌海南雞鑊仔飯
雞油飯底上舖滿牡丹蝦乾、芋頭、臘味粒，再同香茅、班蘭等香料一齊蒸，令香料的香氣滲進飯芯；
上桌時混入蔥油及無骨海南雞，伴上鑊邊的金黃香脆飯焦，好食到肥啤忍唔住食左兩碗飯🤤
📌班蘭咖椰多士
多士輕盈鬆脆，班蘭吉士有陣陣嘅椰香，加埋鮮牛油嘅香氣，咁邪惡嘅甜品有邊個抗拒到🤤
📌薑汁焦糖布丁
布丁有啲似法式燉蛋，濃厚綿密有蛋香，加埋薑汁少少辣，整體唔會太甜
📌娘惹七彩香蘭糕
九粒方形嘅糕點顏色鮮艷，好精緻，口感軟糯微甜，記住要同埋花生碎同椰漿一齊食
Post
