炑八韓烤 (tmtplaza Phase 2)

Open Now

Now Closed

食肆成日放負話冇生意，話個個香港人返晒大陸消費，好多飲食業面臨倒閉。其實全部都係有原因！今日一行兩人去到屯門分店炑八，諗住試吓。第一次去呢間分店。去到門口時，見到人龍排隊我就跟住排，一直都無店員示意要如何攞位，其後見到有一位女士突然上前話兩位，先見到店員在Mark喺紙上。當刻先知原來排隊係冇用，覺得好奇怪，明明有部取票機唔用，要店員手動去Mark低客人嘅姓名同人數，但係又一直有人龍排隊，店員又冇示意原來係要咁樣攞位。好啦，終於入咗座，店員安排咗喺一個風口位好大嘅位置，當時我問佢可唔可以校細啲，佢話唔可以會好焗，然後我話咁不如你換過個位俾我 ，店員就話咁好啦，我幫你關咗佢。最後到我食完餐飯都冇關到！途中我有向另一個店員示意話風口大，佢望兩望走咗去之後同樣冇跟進，下次永不錄用去呢間餐廳！另外，入座時都沒有比前菜及水，全部都要問店員拎先有。所以服務認真好差，就算平都冇用！