Video
Read full review
2021-08-05
584 views
每次去到堅利地城都覺得心曠神怡，成條路綠樹林蔭好悠閒。這條路除了好多老樹盤根，對面仲有唔少特色餐廳，其中一間裝修好有特色的酒吧，原來主打日式fusion菜，菜單上面有好多素食選項，個素壽司和素餃子都好好食呢！由堅地利城地鐵站C 出口行過只要兩分鐘，附近仲有素食餐廳和無包裝環保商店，食飯可以順便行街買野食。餐廳門口非常有型，入面裝修亦好有特色，影相打卡都幾有情調。中國風紅燈籠配懷舊磚牆風格獨特。平日可以吃這個抵食午市套餐，有湯有甜品但就無素食，所以我都係散叫。餐廳裝修咁有趣，吃的原來是日本 Fusion 菜，又估佢唔到喎。每個項目都有素食選擇，除左有(V)字的菜式之外，我見串燒都有一兩款菜標漏左。最後一版的菜式比較飽肚，壽司和刈包都幾吸引，我就揀左食壽司。飲品當然以酒精類為主，不過都有無酒精的 Mocktails 既。Cocktails 有成版俾你揀。仲有現在很流行的 CBD 系列。來之前以為素食選擇唔多，結果勁多野揀樣樣都想食，所以揀左素壽司、素餃子和串燒，係咪好吸引先？Shiitake Mushroom Skewers HK$48串燒冬菇上面係味噌汁，吃起來超級惹味，鹹味比較重一點，
每次去到堅利地城都覺得心曠神怡，成條路綠樹林蔭好悠閒。這條路除了好多老樹盤根，對面仲有唔少特色餐廳，其中一間裝修好有特色的酒吧，原來主打日式fusion菜，菜單上面有好多素食選項，個素壽司和素餃子都好好食呢！
由堅地利城地鐵站C 出口行過只要兩分鐘，附近仲有素食餐廳和無包裝環保商店，食飯可以順便行街買野食。
餐廳門口非常有型，入面裝修亦好有特色，影相打卡都幾有情調。
中國風紅燈籠配懷舊磚牆風格獨特。
平日可以吃這個抵食午市套餐，有湯有甜品但就無素食，所以我都係散叫。
餐廳裝修咁有趣，吃的原來是日本 Fusion 菜，又估佢唔到喎。
每個項目都有素食選擇，除左有(V)字的菜式之外，我見串燒都有一兩款菜標漏左。
最後一版的菜式比較飽肚，壽司和刈包都幾吸引，我就揀左食壽司。
飲品當然以酒精類為主，不過都有無酒精的 Mocktails 既。
Cocktails 有成版俾你揀。
仲有現在很流行的 CBD 系列。
來之前以為素食選擇唔多，結果勁多野揀樣樣都想食，所以揀左素壽司、素餃子和串燒，係咪好吸引先？
Shiitake Mushroom Skewers HK$48
串燒冬菇上面係味噌汁，吃起來超級惹味，鹹味比較重一點，好適合配飲品。
Spicy Edamame HK$68
下酒小食還有這個鹽味枝豆，上來原來勁大碗，兩個人邊傾計邊食都可以咬好耐。
Fresh Berries Lemonade HK$78
吃中餐沒喝酒，飲品試這個粉紅色檸檬汁，莓果味幾香唔會太酸或太甜，飲都來好清爽。
Veggie Suchi Roll HK$158
我最期待就係這個素壽司！賣相係咪一流先？！細細件一啖一舊剛剛好，中間我以為係青瓜，原來係天婦羅蘆荀咁高檔！面頭有牛油果薄片，最正當然仲有外國人整壽司最鍾意的兩款醬汁，基本上唔需要再加豉油已經好夠味好好食，咬到中間又脆脆地，吃完滿足左壽司癮。
Gyoza Vegetarian Dumplings H$128
素餃子同我地東方人常吃的有點不同，餃子略煎過再浸在大量醬汁之中，夾埋泡菜吃起很有層次。餃子唔係脹脹好多餡果種，入面有菜有菇，餃子皮有點Q，整個配搭好新奇有趣。
原來咁樣食餃子都幾正，而且佢夠汁夠味，淨係蔬菜都唔驚寡。
坐門口位望街都幾舒服架，對面咁多樹眼睛都健康一點。
除了來吃午餐之外，夜晚約朋友飲酒傾計都可以考慮下，有食有飲幾開心。
Post
