Video
Read full review
2022-01-08
1352 views
荃灣區都幾多素食餐廳，位於荃新天地2期的 天‧悠蔬食 是我其中一個心水之選，這天就特別來吃個豐富的素食午餐，有啖老火湯飲又有甜品食，絕對好味又滿足。荃新天地2期其實在荃灣站和荃灣西兩個站中間，兩邊去都行差不多的路程。我就搭西鐵去荃灣西，行幾條天橋經過幾個商場好快就到。餐廳裝修係非常少女心的夢幻風格，天花有藍天白雲又有熱氣球，再加上粉紅色座位，你真係估唔到食素可以去童話世界。店內大部分都係沙發座位，坐得舒服。午市套餐有九款唔同選擇，附自選飲品一杯，前菜和湯就要加 HK$10。想食甜品加少少就有得食，全部都幾吸引架。粉葛陳皮甘筍赤小豆湯配迷你滷水拼盤 (+HK$10)揀左中式老火湯，足料好味又完全唔會油膩。滷水拼盤亦滷得入味，有幾件麵筋和好多花生，份量好豐富。鹹柑橘蜜(熱)自選飲品大部分都係滋潤蜜茶之類，非常適合養生人士。蒲燒玉子淮山蓉素鰻魚配日本珍珠米 HK$98掛住日本當然要來一客賣相精美的素鰻魚飯，最鍾意有鰻魚汁撈日本珍珠飯，玉子燒仲做成心形咁靚喎！淮山蓉做的素鰻魚薄薄一片，下面還有海苔有模有樣，真係有去左日本的感覺呢！素鰻魚薄薄一片有咬口，味道香濃惹味。栗子千層班戟 (+HK$28
荃灣區都幾多素食餐廳，位於荃新天地2期的 天‧悠蔬食 是我其中一個心水之選，這天就特別來吃個豐富的素食午餐，有啖老火湯飲又有甜品食，絕對好味又滿足。
荃新天地2期其實在荃灣站和荃灣西兩個站中間，兩邊去都行差不多的路程。我就搭西鐵去荃灣西，行幾條天橋經過幾個商場好快就到。
餐廳裝修係非常少女心的夢幻風格，天花有藍天白雲又有熱氣球，再加上粉紅色座位，你真係估唔到食素可以去童話世界。
店內大部分都係沙發座位，坐得舒服。
午市套餐有九款唔同選擇，附自選飲品一杯，前菜和湯就要加 HK$10。
想食甜品加少少就有得食，全部都幾吸引架。
粉葛陳皮甘筍赤小豆湯配迷你滷水拼盤 (+HK$10)
揀左中式老火湯，足料好味又完全唔會油膩。滷水拼盤亦滷得入味，有幾件麵筋和好多花生，份量好豐富。
鹹柑橘蜜(熱)
自選飲品大部分都係滋潤蜜茶之類，非常適合養生人士。
蒲燒玉子淮山蓉素鰻魚配日本珍珠米 HK$98
掛住日本當然要來一客賣相精美的素鰻魚飯，最鍾意有鰻魚汁撈日本珍珠飯，玉子燒仲做成心形咁靚喎！淮山蓉做的素鰻魚薄薄一片，下面還有海苔有模有樣，真係有去左日本的感覺呢！
素鰻魚薄薄一片有咬口，味道香濃惹味。
栗子千層班戟 (+HK$28)
千層班戟做得好細緻，每一層都夠均勻，入口滿滿栗子清新香氣，味道清爽唔會太過甜膩。
在荃灣區想找可以影相打卡的靚靚素食餐廳，記得 mark 低天‧悠蔬食啦！
Post
