Video
Read full review
2021-12-16
631 views
德慶豆花豆線。香港人食慣甜豆花，一定會驚訝：豆花同米線夾咩？！答：夾，肯定夾，前所未有咁夾。豆花米線：配料-麻辣羊，飲品木瓜冰，全set $61豆花米線：配料-豬頸肉、墨丸，飲品木瓜冰，全set都係$61撈米線本來個辣度已經好啱我呢啲慘仔45小嘅人，同時係香辣唔係死辣，有少少次中囯常見的配料「辣面子」，但應該再加咗其他香草，口味唔會過重，啱啱好。片少少豆花一齊食，一撞之下辣感更加平順，豆花的軟稔和住米線的煙韌，增加咗一重口感，好食到震撼。無講錯係好食到震撼，就算唔喺新蒲崗區活動都值為咗佢一去再去。再講下木瓜冰，其實唔知點解有呢個名，同木瓜完全無關係亦無木瓜味，聽雲南人講係叫「冰粉」，可以想像係透明的仙草，但質地稍為韌少少，介乎於大菜糕同仙草之間。由於其他飲品都係普通的港式檸茶檸水，所以加6蚊就有的木瓜冰成為我不二之選......問我食完的感想，就係香港的米線，粗略可以分為兩個檔次：雲南人家，以及其他。又，其實我食過好多次只係今次先打食評。個人口味，豆花米線好食過小鍋，餸菜方面私心推介麻辣羊，但係份量稍欠所以感覺會貴少少，蝦卷、水餃、豬頸肉都係唔錯的。餌塊同乳扇就係我喺雲南食過的餌塊同乳
答：夾，肯定夾，前所未有咁夾。
豆花米線：配麻辣羊、木瓜冰
$61
53 views
0 likes
0 comments
豆花米線：配料-麻辣羊，飲品木瓜冰，全set $61
豆花米線：配豬頸肉墨丸、木瓜冰
$61
36 views
0 likes
0 comments
撈米線本來個辣度已經好啱我呢啲慘仔45小嘅人，同時係香辣唔係死辣，有少少次中囯常見的配料「辣面子」，但應該再加咗其他香草，口味唔會過重，啱啱好。片少少豆花一齊食，一撞之下辣感更加平順，豆花的軟稔和住米線的煙韌，增加咗一重口感，好食到震撼。無講錯係好食到震撼，就算唔喺新蒲崗區活動都值為咗佢一去再去。
再講下木瓜冰，其實唔知點解有呢個名，同木瓜完全無關係亦無木瓜味，聽雲南人講係叫「冰粉」，可以想像係透明的仙草，但質地稍為韌少少，介乎於大菜糕同仙草之間。由於其他飲品都係普通的港式檸茶檸水，所以加6蚊就有的木瓜冰成為我不二之選......
問我食完的感想，就係香港的米線，粗略可以分為兩個檔次：雲南人家，以及其他。
又，其實我食過好多次只係今次先打食評。個人口味，豆花米線好食過小鍋，餸菜方面私心推介麻辣羊，但係份量稍欠所以感覺會貴少少，蝦卷、水餃、豬頸肉都係唔錯的。餌塊同乳扇就係我喺雲南食過的餌塊同乳扇，如果一班人去想口嚐雲南風味可以一試，但其實無咩特別。佢重有得食虫，但虫嗰啲我就未食過了lol
Other Info. :
注意：星期日閂門，紅日都多數唔開 :)
(The above review is the personal opinion of a user which does not represent OpenRice's point of view.)
Post
