寿司源

Open Now

Now Closed

今個5月黎左呢到食兩次，同3年前一樣，味道仍然好有水準，價幾都公道。今次兩次都叫左$380 set,另外分別請左媽咪同男朋友食$680 set。兩款分別都有蟹肉茶碗蒸、甜品、椀品，而前者有10款壽司，後者就多左前菜、刺身、和身、手卷同蠔。來者大部分食材都差唔多，但最開心係兩次都叫同一個餐都會有唔同。好似上次$380餐有魚籽蓋飯、鰹魚、清爽嘅千本漬吞拿魚蓉壽司，今次就有磯煮鮑魚蓋飯同鰆魚。而$680一樣前菜都係有田螺同鮑魚（唔食蠔會轉鮑魚），大部分食材都一樣，但今次腦天處理手法唔同左。另外湯都有唔同到，上次係魚湯，今次就蜆湯。被請嘅兩位都好滿意；第一次食嘅時侯係請外國返黎嘅阿妹食，嘴刁嘅佢都話好食，咁我比錢都比得開心。成功做回頭客甚至第二次出Post介紹，唔單止係因為價錢合理又好食，更加係因為師傅對每位客人態度一樣，會有賓至如歸嘅感覺（試過一次跟foodie食［佢講到好好食］但自己課唔就食勁腥嘅野）呢間已經食第3次，相信黎緊都會繼續幫襯。（師傅係禧師傅，好好傾同對魚好有了解，佢仲教我媽點切蔥同煮魚🤣🤣）