大渣哥茶記 (Closed)

舊同事飯聚日，今次揀了去大渣哥食，終於可以去食了~!只招待香港人的茶記~正! 晚市當然好多人，大約7:00去到已排隊，我地5人剛好有大枱，排左陣就有位，show ID同探熱後可入去了。 好多菜式個名好正，茶餐好吸引，不過我地係晚市，叫餸食飯，大渣小炒都好吸引。 凍渣哥大檸藥，特飲跟餐+$9，炎夏飲好爽。 小炒付送例湯及白飯。 南瓜粟米湯，好清甜呢。 低溫麻辣口水雞(半隻)，$109，雞肉爽嫩，香口微辣，冰涼又開胃好適合夏天食。 椒鹽豬扒，$79，豬扒肉質鬆軟，香口惹味有鑊氣。 秘制威士忌火焰牛肋肉，$109，有表演睇，上菜時，侍應會係客人面前係小菜上淋上威士忌再用火槍點火，火焰牛肋肉賣相好得(掛住睇冇影)，牛肋肉肉質軟腍，帶有酒香味，味道濃郁幾好味。 沙爹金菇肥牛煲，$96，味道濃郁撈飯一流。 XO醬叉燒葱花滑蛋飯，$65，賣相好吸引，蛋香滑，叉燒份量適合，加上XO醬及洋蔥味道更香口，味道不俗。 食物有水準又抵食，服務幾好，快手有禮貌，好多後生仔，下次有機來食下午茶。