橋底辣蟹 (Ascot Mansion) (Closed)

銅鑼灣的橋底炒辣蟹，見到佢好多年，但其實一路都無去試食過，因為覺得佢係做遊客生意，比較貴，但是最近一路都想食蟹，但大閘蟹又未來到香港，所以想試一試橋底炒辣蟹。去到時候比較早，以為一定有位，但原來已經full左，要坐去另一間分鋪，反正都一樣。試返炒辣蟹，叫左之後等左一段時間，辣蟹上場，好大隻蟹，自己煮好少會整甘大隻，而且好熱辣辣，真係即叫即整的，蟹肉好香好肥美，一面食記得要一面點炸蒜蓉，甘樣先會有真正的炒辣味。之後食左白芍蝦，好大隻蝦，好有鮮味，而點蒜蓉又有另一種風味，真係一餸兩味。食完之後，發現全部都滿坐，証明真係真材實料。侍應仲贈送甜品，超好味。我叫佢送多碗佢都好樂意。