翠林辣蟹舫

Open Now

Now Closed

好耐無出街食晚市，開返晚市堂食對唔少人嚟講都係好事，朋友話想食啲鑊氣嘢，咁啱見尖沙咀呢間辣蟹舫有半價，睇落都幾吸引，就一齊去試試。餐廳環境舒服，檯同檯之間好闊落，好大，唔少人都專登嚟食蟹，亦有多款小菜，通通都有半價，計起嚟都幾抵食。先叫個避風塘炒蟹，肉蟹夠曬大隻，見測起碼兩斤，配上大量炸蒜，香口十足，辣就唔算太辣，但就好惹味，蟹鉗足足有個湯匙咁大，肉質鮮甜，真心好味。鐘意食熱氣嘢嘅我亦嗌咗個避風塘魚仔，每條魚仔都炸得脆卜卜，加上蒜蓉同香蔥，好啱送酒同撈飯！野菌炒帶子龍躉斑球，味道唔錯，帶子鮮味，龍躉肉質結實，魚皮有膠質彈牙，甜豆同野菌都炒得香，不過就多咗啲油，但整體嚟講都好味。整體食物味道唔錯，加上做緊半價，性價比高，尖沙咀呢個地段嚟計，實在抵食。