Read full review
2019-09-15
1248 views
有個好朋友就梨生日，佢仲會帶埋女女岀梨，搵更邊到有好食既親子餐廳。最後簡左灣仔呢間The Pawn。佢原身係押店，改裝成餐廳。到左個大廈底搵左好內先搵到餐廳入口，都幾難搵，個入口係地下間餐廳旁，我地兩個人抱住bb、捧住bb車穿過一條窄樓梯，上到樓就會有receptor接待，佢地幫我地收好bb車同寄放。放好哂野之後，佢地安排左我地上二樓沙發位坐，原來呢到係有lift！個lift係間押店旁，近大皇東街。餐廳環境都幾好算闊落，有唔同分區，有梳化位、吧枱位、露台位，天氣咁熱我哋就坐出去啦。我哋星期六梨都唔算多人，感覺好似入咗赤柱啲餐廳食嘢咁，好chill。因為我地book枱既時候已留bb high chair比我地，但無諗過餐廳會貼心到準備好bb餐具係bb個位。個menu好多野簡，最後我地order左兩個set，個set都幾多野食，有6個樽仔同餐包做starter。Total 6個樽有3個款，每人都有3樽，前菜梨講分量都好多。每次有嘢食放低，店員都會介紹食物，教您點食。第一個樽仔係芝士同車厘茄，酸酸地中和左芝士既陋。第二個樽仔有d似乳酪加莓果醬，上面仲有d粟米片，酸酸甜甜好開胃。第三個樽仔係牛
餐廳環境都幾好算闊落，有唔同分區，有梳化位、吧枱位、露台位，天氣咁熱我哋就坐出去啦。我哋星期六梨都唔算多人，感覺好似入咗赤柱啲餐廳食嘢咁，好chill。因為我地book枱既時候已留bb high chair比我地，但無諗過餐廳會貼心到準備好bb餐具係bb個位。個menu好多野簡，最後我地order左兩個set，個set都幾多野食，有6個樽仔同餐包做starter。
Total 6個樽有3個款，每人都有3樽，前菜梨講分量都好多。每次有嘢食放低，店員都會介紹食物，教您點食。第一個樽仔係芝士同車厘茄，酸酸地中和左芝士既陋。第二個樽仔有d似乳酪加莓果醬，上面仲有d粟米片，酸酸甜甜好開胃。第三個樽仔係牛油果醬，應該係用梨搽面包用，入面仲加左d香草，用梨伴面包食一流。
食哂d starter都已經有d飽。梨到主菜既部分，個賣相好吸引。我地叫左個牛同雞串。個牛有跟豆同薯仔做伴碟，仲有個好似炸腐皮既波。牛煮得剛好，吾會煮到過左火難咬。牛落左少少胡椒同鹽調味然後燒，簡單既調味，可以食到牛既味。佢啲嘢食吾算油膩，小朋友都食得。
雞串搽左d bbq醬梨燒，好入味，上面仲有d加左調味料嘅蔥蒜，好香好好味。雞串除左得雞肉仲有冬菇、三色椒同青瓜。食甘多肉有d蔬菜中和下都幾好！揀呢個主食仲有薯蓉跟住唔怕食唔飽，薯蓉加咗啲奶同蔥花係一齊整，都算滑。
梨到食甜品嘅時候，其實都已經飽到食吾落。佢個set仲要包一人一份甜品，另外生日仲有另一份甜品，我地兩個大人食三份甜品，飽到可以skip左晚餐。
飲品方面，可以簡飲酒or非酒精飲品。我地簡左非酒精飲品，有果汁同milk shake簡，係無限添飲。我一開始order左個士多啤梨麥片milk shake，好杰好香士多啤梨。之後食主菜有肉就叫左杯蘋果汁。除咗飲品係任飲之外，仲有水果、甜品同埋朱古力噴泉係自助。但留意番呢個自助區3:00就會收起。呢間餐廳特別之處係有一間房仔，格局有d似club啲兒童遊樂區，啱晒一家大細嚟，家長們可以喺到飲下酒傾吓計食下野，坐一日都可以。
Post
