養心殿台式養生鍋 (Closed)

今日同朋友喺佐敦附近搵嘢食，知道喺c出口附近有間樓上打邊爐唔錯，於是就同朋友上去試下。 上到去餐廳裝修好特別，好似古時候喺客棧入面嘅感覺，而且坐位坐得比較鬆動，兩個人坐落去就啱啱好。 上面有六款唔同嘅湯底，我哋揀咗寧神養心鍋，入邊有唔同嘅中藥，鮮雞，豬肉同埋魚，淆制咗四個鐘頭而成的。 另外我哋仲叫咗墨魚滑，洞庭烏冬，手製水餃，極上雪花肥牛同埋蔬菜拼盤。 等咗一陣湯底送上，入面有一隻好大嘅烏雞，同埋有一個大嘅魚頭，分別放咗喺鍋嘅兩邊。 極上雪花肥牛有12塊，全部都好新鮮好美味，墨魚骨都好鮮好彈牙，個烏冬口感都好好，配上個湯底一流。