星海．譽宴 (The ONE)

Open Now

Now Closed

終於可以去飲茶啦，今日特登去尖沙咀終於可以去飲茶啦，今日特登去尖沙咀行街加埋飲下午茶。我地去左呢間星海酒樓，因為佢裝修比較新，乾淨啲，同埋有一個戶外大露台，可以出去晒下太陽同埋影相😍我地叫左幾籠點心，慢慢坐下傾下計，享受一個寧靜既下午茶。首先食既係黑松露蝦餃之王，外皮非常薄，入面有大大隻既蝦肉，重有好香既黑松露味，加上蝦既鮮味，無得頂👍🏻蟹子燒賣皇，認真，入面啲蝦肉，真係好多，勁爽口，加上蟹子既味道，鮮味十足😍老干媽蒸鳯爪色香味俱全，鳯爪啲肉吾會散晒，保留口感，係高水平既出品👍🏻馬拉糕好鬆軟，甜甜地好好味南翔小籠包重出色，佢地細心到用紅蘿白片放底部才蒸，不會癡底。食既時候，小籠包入面啲湯漏晒出黎，非常好味😍最後呢個櫻花蝦鬼馬腸粉，油條保持香脆，外層腸粉嫩滑，真係非常好食😋如果大家想食到咁高質既點心，享受飲茶既樂趣，又想影相打卡，一定要去呢間試一下👍🏻