相馬日式火鍋 (Closed)

相馬有火鍋放題呀！晚市兩個鐘任食，勁多勁多野食，飽到傻呀，但好滿足🤭🧡泡菜湯依度嘅泡菜湯絕對冇孤寒，用佐勁多泡菜，夠晒酸夠晒辣，味道啱啱好。💛優質豚肉呢度既豚肉真係好高質，唔似一般嘅豬肉，唔會好鞋，入口冇渣，薄薄一塊好吸收湯嘅味道，好軟腍好嫩口，又香豬味，超好食。💙任食海鮮呢度任食嘅海鮮真係好多款，我哋都要叫咗兩次先試得晒所有嘅款，好鍾意佢哋嘅帶子，好大粒好鮮甜，青口都好爽好新鮮，蜆又完全無沙，仲有蟹棒，唔係假嗰啲蟹棒，係真係鮮甜有蟹味嘅，好正。仲有唔同任飲飲品，出色！