沙田新強記燒鵝海鮮酒家

Open Now

Now Closed

沙田有間酒樓好出名，沙田新強記燒鵝海鮮酒家裏面環境好寬敞，今次就去食點心飲茶傾計。唔係下下都係Cafe嘅！蟹子燒賣皇（特）大大隻裏面除咗有蟹籽仲有蝦粒，鹹香而且彈牙。潮州蒸粉棵（小）裏面非常足料，多多花生及馬蹄等，鹹香十足。瑤柱珍珠雞（大）材料豐富，味道不過不失。蜜汁叉燒腸（大）外皮富有彈性，而且蜜汁叉燒味道甜香。椒鹽豆腐（小食）分量十足，外皮金黃鹹香裏面同樣保持香滑，好吃！脆皮燒腩仔（例）表面都好香脆而且整體肥瘦適中有咸香！冰糖桂花糕（小）食埋個甜品桂花糕有彈性又香甜，咁就perfect！一路嘆茶一路食嘢，休閒一下真好！