串酒里 (Closed)

朋友聚會又黎左串酒里，貪其有粗口手工啤，打卡呃like一流，而且唔係得個樣，真係幾好飲㗎。粗口啤（$68/ea）先來兩支粗口啤，7係香甜蜜糖味，西係西柚回甘味，一支甜啲易入口，一支香啲清清地，各有各好飲。脆燒日本原條鰻魚（$49）鰻魚肥美厚身，鰻魚汁甜甜地好合口味，正。香燒燒魷魚釀糯米飯（$89）真係好香呀～即刻燒出黎㗎香噴噴。魷魚彈牙，包住嘅糯米飯吸了醬汁好好味，又夠飽肚，哈。麻辣醬燒雞肉串（$32）辣辣地好惹味，雖然係燒，但雞肉一啲都唔乾好嫩滑。惹味汁燒豬仔脾（$59）呢款係飽肚之選，啖啖肉嘅豬仔脾口感勁正，好似卡通片咁揸住舊肉係咁扯～香菇燒安格斯牛肉卷（$59/ea）牛味超濃郁，肥美甘香好好味，但略貴了點。黃金蒜蓉燒日本廣島蠔（$49）鍾意蒜香就一定要叫，超級多蒜，好香好香好香！！蠔夠肥，蒜蓉加埋蠔汁無得輸！日本雞蛋燒廣島蠔（$59）蛋汁版同樣好正，蛋滑又鮮味，上面加了辣醬同黑椒超惹味，太好食了！！芝士煙肉焗大啡菇（$39/ea）最後係朋友話一定要食嘅大啡菇，上次食完後念念不忘，菇厚身爽口多汁，加埋芝士同煙肉，味道豐富又夾喎，要一人一隻先滿足到，哈哈。呢排“吊”正係一流～食物好食