茶木‧台式休閒餐廳 (Closed)

每次行過都好多人排隊, 今晚見少D人一於排一陣試埋一份.晚餐時段要先試飯或麵類, 因為見隔離枱個甜品好巨型, 而且都等幾耐, 所以都係留番下次.台灣野出名既不外乎蚵仔, 肉燥, 牛肉麵之類, 如果呢D都做得麻麻其他可以唔洗試, 所以要在烤腸肉燥飯試一試先.份量都算多, 肉燥個味幾香, 加埋D飯一齊食好夾. 烤腸切到薄薄細細片, 不過口感比較乾. 溏心蛋就正正常常, 無特別. 底有D雪菜, 個味怪怪地, 唔識形容.總括黎講飯類好似普通D, 如果要排好耐就留番下次先試, 不過甜品係吸引D, 但聽到隔離枱話要等45分鐘驚左~~~