茶木‧台式休閒餐廳 (Closed)

茶木/Yoho mall店試食指數⭐️⭐️⭐️⭐店舖衛生⭐️⭐️⭐️侍應態度⭐️⭐️⭐️((每項5⭐️為滿分))茶木的lunch set幾抵食大概$80/位(另加10%)再+$32/2樣小食我哋分別點左紅燒牛肉麵🍜同埋煮豬軟骨湯麵🍜我嘅紅燒牛肉非常之嫩滑朋友嘅豬軟骨都一樣嫩滑入味讚👍🏻飲品方面我叫咗薑母茶🍵我朋友叫咗玫瑰花茶☕️飲品冇乜特別但係值得一讚嘅係侍應嘅態度🤓朋友個杯有一點污跡想叫佢換一杯全新嘅玫瑰花茶佢將舊嗰杯繼續放喺枱度重新攞咗杯新嘅嚟才攞走原有嘅嗰杯好😉可能天氣凍嘅關係我哋每人在嗌咗一個小食🤣紅油抄手同炸雞翼細油抄手冇乜驚喜炸雞翼要俾10粒⭐⭐⭐⭐⭐⭐⭐⭐⭐⭐好味😋整體來說作為午餐之選是不錯的選擇👍🏻😉

茶木相信都係幾出名嘅一間台灣餐廳之一！我就嗌咗酥炸雞扒麵！只見有一個細型炸籃，入面擺咗好多夠鹽酥雞，仲有一碗手工麵，食落去煙煙韌韌丶好硬身！超推薦你個飯，同埋我亦都嗌左一杯珍珠奶茶，雖然係甜咗少少，但係佢嗰度嘅珍珠好高質，咬落去煙韌，遠勝於普通飲品舖嘅珍珠同奶茶，有機會都可以嗌下黎食㗎！

下午茶時段，成個商場四圍嘅餐廳都滿晒人，就算咖啡店之類都滿座。唯獨是呢間茶木有位，完全唔駛等，仲要有好多位。😅😅咁我哋三個成人一個BB就入去啦，點知中伏。一直水都冇杯，一入去就放低咗幾對筷子俾我哋。諗住同朋友一人叫一個下午茶餐，再加蛋糕，點知乜都冇，叫乜冇乜。叫心太軟冇，叫拿破崙又冇，諗住叫苦瓜汁又冇⋯最後叫咗個芋圓，我哋三個成人都覺得好難食，每人食咗一啖都唔可以再食落去⋯⋯成個甜品只有濃烈薑味，好似求其將啲材料混合就當係甜品賣俾人⋯⋯⋯係乜都冇嘅情況之下仲叫咗個黑芝麻多士，上面個雪糕正常，但係塊多士好乾，好似石頭咁，懷疑重複焗左好多次！而且唔俾餐具我哋用，放低咗食物就趕住返入去傾偈，唔通我地要用筷子食？飲品質素都麻麻，全部唔可以走甜，極度甜⋯我哋大家飲咗幾啖都驚糖尿病，飲唔到落去⋯最後我哋拎咗啲BB餅出嚟，笑笑說：估唔到黎餐廳都要餓着走，口渴住走？係咪要搶BB嘅食物先得？（拎出嚟影相姐，冇食）（圖中牛奶係屬於BB的）—————————之前食第二間質素都冇咁差，但係元朗呢間真係不可一不可再唯一欣賞係有BB櫈，呢點歸功於餐廳的Management

疫情下 食肆只可以開午市堂食 今日要到元朗一田買餸煮飯所以順到黎光顧一下久違的茶木對上一次食都係一人午市套餐 今次我試試佢個4個鐘牛腩麻辣拌面配麻辣鴨血油豆腐 因為每次都食紅燒牛肉麵都有d悶 面食落去好陣牙 軟硬程度岩岩好 有半隻半熟蛋食 幾滿足 個餐仲有我打邊爐最喜歡既鴨血 好可惜只有一件 到喉唔到肺 如果件油豆腐改成2件鴨血就好了 甘有3件就岩岩好 雖然個餐寫係麻辣面 不過對於無辣不歡的我 就一d都唔麻辣 味道中規中矩 最驚喜係杯送既飲品 係凍紅豆薏米水 內裡仲加左蜜餞羌粒 超好飲！！ 我未試過甘既配搭既好 爆like!! 希望疫情快d過去 我可以同朋友出街打麻辣火鍋

Have dinner with my friend here. I am quite full and don’t want to have any main dish. I choose to have the toro dessert (芋圓). it is not expensive given its size. It is forty something dollars. The one thing I don’t like is that there is a very strong ginger taste in the dessert. The ginger taste is particularly strong in some of the ingredients so I have to avoid it. The dessert contains black jelly(涼粉）underneath. Therefore, I would say it is okay instead of very good.

金盞花螺片濃雞湯伴麵雞湯有湯渣，搵到螺頭仲有兩舊雞髀肉添忍唔住就甘飲左個湯手工伴麵微辣，但素鴨真係好辣好彩點左杯凍酸梅冰飲柑桔醬鱸魚柳玉龍果酸酸甜甜幾開胃 呢個甜品層次好豐富有芋圓 豆花 紅豆 黑白仙草

同事要離開我地嘅部門大家返工都好難約終於約到大家farewell 佢離開了雖然共事唔耐但都要farewell 下決定去茶木坐下傾下計 好好討論將來嘅路點行茶木一向好多人等等左位半個鍾有多終於等到啦台灣野食不嬲都好鍾意茶木一向都好好味只係價錢偏貴不過好食最緊要朋友叫左鹽酥雞麵睇落好香口牛肉麵當然係唔少得 可惜掛住食冇影到一定食叫嘅野食牛肉湯底好濃郁 又野味但飲完唔會覺得太多口渴配上牛肉炆得好淋牛肉質地唔會難咬亦入晒湯底嘅汁味道豐富 好入味再叫左個甜品男人都可以有兩個胃㗎雖然小弟食得唔多但雪糕配搭麵包磚 係一絕㗎！

嘢食係好食嘅，但外賣自取就一定要等超過20分鐘唔知係咩規矩。等完20分鐘追一追，又話要多3分鐘，其實就係冇整。現場買外賣嘅人只可以企喺出邊等係咪應該體諒下呢？感覺上好似係因為外賣所以一定嚴格地要我等20分鐘以上，再催一催先肯整。有啲失望。

茶木都可以叫做由大學食到工作都有幫襯既店，由高CP值去到而家真係越食越少。隔左成年冇食，同朋友行過因為就腳就去食一次，點知似乎有種每況越下既感覺...朱古力多士磚因為始終都係D簡單野啦...多士同雪糕，味道都尚算keep到既，但份量比起以前再細份左，其實唔明多士成本唔係真係咁貴，但份量係由以前兩個人share一份就飽去到而家兩個人share都係唔係太夠，但叫兩份就太多，所以真係比較尷尬。蜆意粉以前都有食開，質素一向都好穩定，但今次竟然變成蜆有沙，有雪味，實在太可惜! 明白而家生意難做，但不是因為咁而要好好控制質素嗎? 希望餐廳俾心機做，努力提高番D質素啦。雖然期望不大，但今次成餐都叫有少少失望而回，可惜。

突然之間好想食台式麵！喺元朗搵到茶木有得食，地點都幾就腳，就喺YOHO MALL第二期3樓！ 見到有啲套餐🥰😍價錢大約係$60至到$90不等加$30就會有嘢飲同埋白飯或者麵線👍👍👍佢嘅麵線非常濃郁👍👍👍不過我7:30去到佢大約有10個餸菜嘅晚餐起碼有四五個都冇🤭🤭🤭有啲唔開心食唔到自己想食嘅炸野食物🤭冇得揀嘅情況下叫咗個黑松露菜寶蛋！原來佢個份量都好大 😍因為我一個人真係食唔晒😀😀😌🤣

品嘗台風美食有感本人感受到貴台式餐廳食物質素佳。餐廳除了有主食飯麵，如較著名的紅燒牛肉麵、酥炸雞扒麵、麻辣手工拌麵，一些小食如台式三小碟、烤香腸、三杯中卷和鳳梨鮮果甜酸肉等也令本人留下深刻的印象。此外，餐廳還有甜品供應，以蜜糖磚塊三層厚多士為名，也有一些台式飲品，如黑糖珍珠奶茶、綜合水果茶、巧克力火山等，也令本人覺得很有特色，每杯飲品就如甜品般具有藝術的價值。當天員工的服務態度也挺好，有主動帶位，有禮貌，跟顧客說歡迎光臨、下單時說多謝，上菜時也交帶清楚是什麼菜式，表達對顧客熱誠的服務態度，故希望貴公司能持續經營下去，服務質素則大大提升。

#咖哩南瓜牛根腩 ⭐️⭐️⭐️#蕃薯新竹米粉 ⭐️⭐️⭐️#黑糖杯芽奶茶 ⭐️⭐️⭐️⭐️#奶茶控 通常都好台灣野，我就係其中一個，台灣菜就係有種食極唔厭既魔力🤣 茶木款色多所以我都成日去，除左正餐仲有甜品選擇，岩晒唔同人口味。⭕️茶木lunch set 有晒前菜、小食，主食同埋野飲，另外叫特色野飲加$8⭕️選擇多唔會有簡唔落既感覺，因為好多款都岩我食😂⭕️黑糖本身已經係甜，所以奶茶走甜亦夠甜，奶茶好合我心意啊！ ❌南瓜好硬未煮淋， 可能咁岩午市多人

今晚決定去形點之茶木，叫了兩個套餐食，個餐包括沙茶玉藕帶骨牛小排、沙拉鳳梨蝦球、一碗飯及玫瑰茶。首先餐廳奉上有很大驚的喜沙拉鳳梨蝦球，沙拉、鳳梨及蝦球及白飯，真的配合得宜，我能一口氣滋食完成。然後是沙茶玉藕帶骨牛小排，小排好入味，結果係……美妙無窮，真的超級欣賞廚師的功力，令小排内外都好有味。最後，order咗滿有愛情滋味的玫瑰茶，令這晚平添了不少自愛的色彩。

茶木既然收取顧客加一服務費，但員工服務質素差，不但沒有對顧客展露笑容，有些黑口黑面，不願意積極為顧客投入服務，藉此表達對顧客真誠的服務態度，而且當見到顧客杯子無水又不主動、直接裝多少少水。除了員工缺乏面部表情和良好的身體語言，部份員工的專業知識不足，只隨意回答顧客一兩句，而且還反問什麼是蝴蝶麵，又說有豬勁肉，有位女侍應更直接大聲說凍奶茶唔可以走甜！唔叫套餐，飲品要加錢。還有，很多小食、小菜長期缺貨，每次來到也沒有，但店長、其他員工又不覺得佢地有問題，只係廚房入面缺貨，又唔增加食物貨量，只同顧客作對，又唔知上菜慢，整體員工服務態度、質素十分差劣！

價錢偏貴，食物份量偏小，唯部份菜式挺特別; 但員工服務質素差，可見訓練足，而且笑容生硬，講野有點冇禮貌，價值良！煩請呢分店嘅店長多多留意！整體來說，食物尚可，服務質素有待改善！