甜蜜蜜甜品專門店 (Closed)

🍜同姐妹食飯總會掛住傾計，不停傾傾傾，🍻飲飲飲，點到枱面滿滿臨走都會覺得唔太夠飽！最適合去厚福街揾甜品食🍮 等位嘅時候又繼續傾傾傾，星期五嘅9點後，等左大約10分金鐘就有位，店員有禮，但坐位真係十分迫！店內全滿座都幾嘈下架！同姐妹點了： 爆爆珠芒果戀曲 $54（爆爆珠，芒果，小丸子，海藻珠，芒果雪糕，芒果汁底）- 價錢唔平，所以材料都十足，有一個芒果雪糕，芒果肉🥭都甜，加埋小丸子，店家獨有嘅爆爆珠，一個糖水有幾種唔同口感，讚！食完一碗真係好飽！  榴槤飄雪 $59（榴槤肉，紫米，小丸子，大西米，椰果，海水藻珠，椰汁白雪 ） 全店隱約嗅嗅聞到榴槤味！友人唔食榴槤，所以我叫左呢飄雪，甜品到枱都唔算好大嘅榴槤味！食落D飄雪好棉，比想像中好食。 原個椰皇海底椰燉鮮奶蛋白 $62（海底椰、湯圓、小丸子，芋圓）賣相就靚，見枱枱都有點，不過食落似燉椰皇，除左海底椰有D煙韌，湯圓都好味嘅，但最貴係佢下次唔會再叫。