蓮香樓

Open Now

Now Closed

蓮香樓除左點心出色，最近同朋友食飯發現原來夜晚10點開始有宵夜食！真係款款都出色，夠晒鑊氣，啱晒一班朋友去開餐。點心自助出去拎，每款$48，叫左幾款都好味。招牌雲南野生菌雞煲（半）$238：雞煲份量豐富，打開煲蓋好香野生菌味。重點係雞keep住加熱都係好滑。雞肉鮮嫩多汁，湯頭濃郁醇厚，帶有淡淡菌菇香氣。蓮香一夜情 $148呢款係招牌菜式之一，魚外層酥脆，魚肉內層唔腥但嫩滑。蓮香秘製扣肉炒飯 $148之前食過蓮香樓與7-11推出嘅梅菜扣肉飯已經覺得好好食！呢款蓮香秘製必點，份量好多。米飯彈牙香糯，扣肉肥瘦適中，鹹香宜人。千島蝦球 $148蝦球外脆內嫩，點埋千島醬食完美，唔會覺得好油膩。點心蝦餃 | 金錢肚 | 叉燒腸粉 | 煎蘿蔔糕蝦餃外皮薄，蝦肉鮮甜彈牙。金錢肚沾滿濃郁咖喱，入口爽口。叉燒腸粉軟綿滑軟，叉燒香甜鹹香交融。煎蘿蔔糕外脆內軟，入口仲食到蔔絲綿密軟糯。晚市椰皇 $52甜品必點！呢款椰皇不得了，蛋白軟滑，面層仲有燕窩，非常養顏。