吞POT 雞煲火鍋.住家菜 (Closed)

琴日同女朋友又出發搵野食 上左旺角呢間吞pot到食 一上到去 個環境勁浪漫❤️❤️❤️ 落地大玻璃 望哂成個景觀 由於我地六點上到去 天都黑 仲見到藍天勁靚 拍拖既人真係可以去下好浪漫 重點黎啦 叫野食 呢到野食都算多 剩係湯底都有10種 我地叫左個清湯牛腩湯底 湯底入面有峰巢豆腐 牛腩好腍 好食我地叫左其他配料 有豬頸肉 蟹柳 芝心牛丸 芝心嚮玲 豬頸肉係厚切既 夠哂咬口 彈牙 蟹柳無咩特別 芝心牛丸我覺得同想像中有出入 佢用既係三文治芝士 無流心既感覺 如果佢改用芝心丸入面既芝士 效果就好好 芝心嚮玲 真係好食 半融既芝士加埋嚮玲既脆 好好食 可惜一人一件都好夠 因為有d油 不過真係值得一試野飲都好多選擇 都幾好飲