Video
Read full review
2020-01-08
290 views
話說之前已經食過呢間樓下冰室，選擇多之餘岀品夠快，今次都唔例外，呢頭點完餐轉個頭就有得食！嚟嚟嚟喇喂！呢個係蠔仔肉碎泡飯，2-3人份量，勁多料喎，有冬菇，冬菜，蠔仔，芫荽，夠曬香甜，蠔仔唔係提子乾size,起碼有手指尾咁大粒而且仲好鮮甜份糧又多，泡飯軟棉加埋冬菜鹹香同鮮冬菇，口感同味道都極讚！極力推薦必點菜式之一！鮮茄滑蛋通粉配吉列豬扒，佢餐牌標榜個湯底係用新鮮番茄淆制而成，果然真金不怕紅爐火，食落真係有分別，平時果d現成湯底會比較酸同杰身，因為落茄膏。不過呢隻唔酸反而帶甜，同埋唔會杰撻撻，食完1d都唔口渴包無師父造！不過通粉唔浸得耐，好拿拿聲趁熱食，如果唔係會影響質感。吉列豬扒金黃香脆，好夠淋同埋薄切，唔怕痴牙同埋好夠入味喎，估佢唔到，配搭埋沙律醬簡直係完美😻台式雞扒肉澡飯，呢個勁豐富，有肉澡又有肉鬆又有雞扒，肉澡夠硬身不過半肥瘦更有口感，肉鬆唔洗講送飯一流，雞扒又淋又多汁，勁罪惡不過好好食，唯一要挑剔既可能係飯質可以再收乾少少水會更好更野味！招牌菜到啦，呢個都係必點推薦！招牌瑞士雞髀配厚多士雜果沙律，上次已經比呢隻雞髀吸引住，食完到而家都念念不忘，因為實在太香太正，雞髀大大隻又啖啖
嚟嚟嚟喇喂！呢個係蠔仔肉碎泡飯，2-3人份量，勁多料喎，有冬菇，冬菜，蠔仔，芫荽，夠曬香甜，蠔仔唔係提子乾size,起碼有手指尾咁大粒而且仲好鮮甜份糧又多，泡飯軟棉加埋冬菜鹹香同鮮冬菇，口感同味道都極讚！極力推薦必點菜式之一！
鮮茄滑蛋通粉配吉列豬扒，佢餐牌標榜個湯底係用新鮮番茄淆制而成，果然真金不怕紅爐火，食落真係有分別，平時果d現成湯底會比較酸同杰身，因為落茄膏。
不過呢隻唔酸反而帶甜，同埋唔會杰撻撻，食完1d都唔口渴包無師父造！不過通粉唔浸得耐，好拿拿聲趁熱食，如果唔係會影響質感。
吉列豬扒金黃香脆，好夠淋同埋薄切，唔怕痴牙同埋好夠入味喎，估佢唔到，配搭埋沙律醬簡直係完美😻
台式雞扒肉澡飯，呢個勁豐富，有肉澡又有肉鬆又有雞扒，肉澡夠硬身不過半肥瘦更有口感，肉鬆唔洗講送飯一流，雞扒又淋又多汁，勁罪惡不過好好食，唯一要挑剔既可能係飯質可以再收乾少少水會更好更野味！
招牌菜到啦，呢個都係必點推薦！招牌瑞士雞髀配厚多士雜果沙律，上次已經比呢隻雞髀吸引住，食完到而家都念念不忘，因為實在太香太正，雞髀大大隻又啖啖肉，而且雞髀可以做到夠淋又入曬味着曬色仲要唔爛！真係好難嫁，因為我自己屋企都試過煮🤫
咬落多汁之餘連埋d雞油流岀嚟...omg講下講下我又想食喇
上次已經食過，佢地出品嘅奶醬多士係我食過以嚟最滿意，最多醬，最好食既奶醬多，話明奶醬多士，梗係要多醬多奶先係嫁喇，呢個完全滿足到我要求！麵包多士麵熱辣辣，花生醬加連奶又香又滑仲有d脆卜卜嘅花生粒添，必點推薦呀！10分
最後飲品方面我哋叫華田脆脆同菠蘿冰，夠濃郁又有咬口，正呀！
Post
