金所 (Closed)

係網上面見到大角咀新開左間烏冬專門店，仲要係一塊塊既烏冬喎，咁過癮，緊係即刻約埋friend子去試一試啦！餐廳都唔算難搵，見到黑色型格外牆就係佢啦！入到去空間唔算大，大概得十數個位，但都唔算太擠迫。位置仲可以望到師傅烹調。我地嗌一個雞肉入沾白布烏冬同埋南蛮curry沾白布烏冬。先講下個雞肉烏冬先。啲湯好清甜，又香！但略嫌啲雞肉有啲「鞋」⋯但係都唔緊要，反正主角係烏冬！一碗有八塊烏冬，第一個感覺係：嘩！好得意！但應該唔飽⋯？出乎意料之外，食完都幾飽肚！烏冬煙煙韌韌，似厚版雲吞皮？定似薄版年糕？係好新穎好有趣既質地！比較之下，我就鍾意curry多啲啦！Curry本人濃而不膩，配埋烏冬真係好夾！本身係凍既烏冬，再浸落熱辣辣既curry度，真係絕配！建議想試真係要早少少去，食完出黎，又有極長既人龍了！