Video
Read full review
2022-09-21
136 views
《燒肉臻 – 尖沙咀》真係好耐都無試過食燒肉食得咁滿足啦🥰上星期有位朋友請我食左餐好正既燒肉午餐，仲有得任飲清酒添，食完之後一直都念念不忘好想再去😋店鋪入面啲staffs勁nice同我地勁好傾，成餐飯都近乎唔洗我地自己燒，店員會幫我地燒埋😌當然，店員都準備左個爐比我地自己玩，想自己動手又得，想懶懶地等食又得😜講下當日食左咩先，當日叫左好多好多野食呀，食到最尾抱住個大肚腩走🥲💁🏻♀️牛肉盛合（二人份量廚師發板）$368店員勁力推介呢個牛肉拼盤，一共有七款肉而且每款牛肉都唔少架🥰其中最鍾意一定係日本和牛三角胸小排、日本和牛背峰同埋牛舌😋日本和牛就食佢既油脂，美國牛就食佢既肉質同肉味，十分美味🤓基本上我樣樣都鍾意食咼😛而且個擺盤好靚，一拎出黎當然要好好打下卡啦💁🏻♀️鳥取A5牛胸腩肉 $288鳥取和牛一向出名質素高，喺日本既地位都唔細架，我地點左個牛胸腩肉試下同平時既和牛有咩分別🥰牛胸腩肉油花分布細緻綿密，一入口啲油爆出黎😋我同朋友都忍唔住食完再接住食😆💁🏻♀️伊比利亞豬肋條 $88豬肋條肉質彈牙，有啲似豬頸肉但又無咁油膩，店員幫我地剪細粒啲容易啲入口，點埋酸汁味道十分之夾💁🏻♀️日本雞頸
真係好耐都無試過食燒肉食得咁滿足啦🥰上星期有位朋友請我食左餐好正既燒肉午餐，仲有得任飲清酒添，食完之後一直都念念不忘好想再去😋店鋪入面啲staffs勁nice同我地勁好傾，成餐飯都近乎唔洗我地自己燒，店員會幫我地燒埋😌當然，店員都準備左個爐比我地自己玩，想自己動手又得，想懶懶地等食又得😜講下當日食左咩先，當日叫左好多好多野食呀，食到最尾抱住個大肚腩走🥲
💁🏻♀️牛肉盛合（二人份量廚師發板）$368
店員勁力推介呢個牛肉拼盤，一共有七款肉而且每款牛肉都唔少架🥰其中最鍾意一定係日本和牛三角胸小排、日本和牛背峰同埋牛舌😋日本和牛就食佢既油脂，美國牛就食佢既肉質同肉味，十分美味🤓基本上我樣樣都鍾意食咼😛而且個擺盤好靚，一拎出黎當然要好好打下卡啦💁🏻♀️鳥取A5牛胸腩肉 $288
鳥取和牛一向出名質素高，喺日本既地位都唔細架，我地點左個牛胸腩肉試下同平時既和牛有咩分別🥰牛胸腩肉油花分布細緻綿密，一入口啲油爆出黎😋我同朋友都忍唔住食完再接住食😆
💁🏻♀️伊比利亞豬肋條 $88
豬肋條肉質彈牙，有啲似豬頸肉但又無咁油膩，店員幫我地剪細粒啲容易啲入口，點埋酸汁味道十分之夾💁🏻♀️日本雞頸 $58
呢個部位其實係拎左頸位既肉再醃製燒香，本來雞頸既肉就唔多，所以我地當日都唔知食左幾多隻雞既頸啦so sad🤨不過呢個位燒到位既時候又軟又嫩👍🏻可以一試
💁🏻♀️炭火雞 $98
朋友好似好喜歡食雞肉，所以一連點左兩款雞😂不過呢個雞肉就多左陣焦香味，同埋食得出個醃料既不同，店員喺火喉控制上控制得好，唔會過燶都唔會太生，一客都真係好多下，我地兩個都食唔曬咁滯😜💁🏻♀️日式蒜蓉大虎蝦 $98
虎蝦🦐真係幾大隻，一隻兩個人分差不多，食得出幾新鮮的，蝦頭仲有好多膏添，襯熱食鮮味十足
💁🏻♀️活帆立貝 $98
新鮮既帆立貝用左牛油去燒，呢個配搭永遠都係最合拍的😉帆立貝肥嘟嘟吸曬牛油既香味👍🏻都係一樣要襯熱食先最好味
💁🏻♀️甲羅燒 $98
甲羅燒入面全部都係蟹肉同蟹膏，食落一啲都唔腥仲好鮮添，不過呢啲肥仔野一個人食曬既話實漏到爆炸，所以兩三個人share會比較好，用黎搽餅乾🍪又話者點海鮮食都唔錯👍🏻👍🏻
💁🏻♀️野菜包 $48
食到中段我地開始飽飽地，但點左咁多肉都要食埋佢架嘛，所以我地要左個野菜包用黎包肉食，咁就無咁滯啦😉
💁🏻♀️90分鐘任飲＄248
作為一個專業既酒鬼，lunch time 飲酒一啲都唔過份丫😂仲要比$248就可以任試餐廳入面既所有清酒，數數下我應該都試左八款😆我其實都好想試多幾款架，但好怕飲到醉貓咁所以唔敢飲太多😜佢個清酒機落單好得意架，係用手機上既QR code 再對應番清酒機既掃描器，掃完㩒制佢就會自己斟酒最後埋單成為$1500左右，雖然係朋友請嘅但係平均每人$750到又和牛又海鮮🦞我就覺得幾值得既，下次到我請番朋友食多次先
Post
