無肉食 (堡壘街) (Closed)

傍晚去北角聽講座，朋友想食啲嘢先，並提議去無肉食。未夠鐘已經有人响門口等，6點先開始入坐，入去在收銀付錢，晚餐$108任食，拎自己食得曬的量。巡視一下，好多選擇，新舊派素食材料共冶一爐，沙律菜、冷盤、醃菜、涼拌、熱菜、炸品、水果、2款湯及中西甜點…等，每款拿1-2件試，未試勻已經半飽喇。喜歡有醃酸蘿蔔條，可以重溫兒時味道。秋葵和羽衣甘藍清新，辣藕片爽脆伴著珊瑚草，一起吃很是匹配。炸豆腐外脆內滑，I like it，好吃。一個全場觸目的食物出現，拔絲香蕉，外型像天使，一段時間都捨不得去碰它，終於吃了，好好味。好多款式未試，已經飽到上心口，可惜趕時間，唔可以呌吓再試，期待下一次。走前把自己用過的餐具，拿到後方分類擺放好。